陳山聰歌手出道試過放棄 首次做男一唔敢開心住：都係唔回應住喇
撰文：黃梓恒
出版：更新：
講起陳山聰，大家可能都只是記得他的負面新聞，笑他是「軟飯王」，不過今年憑住《同盟》強勢彈起，還在星加坡和馬來西亞分別奪得「我最愛TVB男角色」加「最喜愛TVB男配角」，是他人生第一次有演藝獎項收獲。正所謂行運一條龍，拎完獎後山聰又有一個好消息，就是《降魔的》編審羅佩清在接受其他傳媒訪問時，表示現正籌備一部星期日播放兩小時的單元劇，監製是葉鎮輝，主角則由陳山聰擔鋼，山聰終於有機會做男主角！
做咗咁多年，終於有獎拎！（電視畫面）
1993年參力無綫舉辦的歌唱比賽，因唱劉德華的歌曲《長夜多浪漫》而受到華仔賞識，並加入其公司。出過兩張唱片，可惜遇正九七金融風暴，公司執粒，輾轉間加入電影界，不過只拍過一套《開心出家人》就無以為繼。無工開唯有放棄，轉行，試過賣衫，也試過做設計助手，終於在2000年加入無綫重操老本行。在2002年的《皆大歡喜》開始，一待便在TVB足做15年，其間以配角為主，直至今年開始當上男主角，但一直未試過做男一，今次終於有機會喇！
終於有機會上位！（資料圖片）
在2011年，因為與賭王三房女兒何超雲拍拖，而時間上卻好像與前妻楊渡萍辦理離婚有所重疊，因此負上污名，拋棄糟糠、軟飯王等等的字眼都被加在山聰身上。直到跟超雲放開，山聰一直比心機做好自己，現在終於比較少人提這些往事，而上位機會也放在他的面前，會否感到很高興呢？在接受《香港01》訪問時，山聰表示：「我未收到呢個指令喎！所以一日未證實我都暫時唔回應住喇，因為真係咩都未有，我又放緊假，公司同經理人又未通知我，都係唔回應住喇，唔該晒！」雖然未收到消息，不過編審講得出來都九成成事，要把握機會呀！
編審羅佩清（右）爆料山聰有得做男一。（網上圖片）