唐文龍親揭同陳少霞分手原因 ：繼續喺埋一齊對雙方都有壞影響
撰文：張嘉敏
出版：更新：
Michael喺外國讀書生活多年，估唔到佢咁迷信。
唐文龍（Michael） 最近憑《溏心風暴3》人氣暴升，工作量激增，又做了極多的訪問。今日商台就播出了Michael的一個訪問，他罕有地談及他的感情事，更親揭當年與舊愛陳少霞分手的原因。可能大家已經忘記了，甚至未必知道原來Michael同過陳少霞拍拖，呢段戀情發生於Michael初入行不久，兩人曾經拍拖6年，可惜未能開花結果，他們亦從無公開交代過分手原因。
唐文龍初入行時曾經同過陳少霞拍拖，依家女方已再婚，嫁與富商李文輝，且生活得好幸福。
Michael在今次的電台訪問中首次披露了當年兩人分手的原因，強調自己從沒跟任何人說過：「當年雖然我最後由台灣返咗香港，但大家都好少見面，佢又忙。而且當時大家仲後生，都有嘈交嘅時候，性格方面有時又會有分歧嘅地方。再加上嗰時係有啲原因，令我哋覺得如果繼續喺埋一齊會對雙方都有壞影響，唔到我哋唔信，因為有啲結果印證咗。例如我同佢一齊，佢父母嘅身體健康變差咗，我嘅事業亦好似一路走下坡。你話迷信又好，信邪又好，點樣都好，我哋係因為咁而分開。」估不到導致兩人分手竟然是因為迷信，不過彼此為了雙方着想，唯有忍痛分開。
Michael罕有談及感情事。
至於他在06年因要轉戰大陸市場而主動跟拍拖7年的空姐女友分手一事，Michael直認當時的心態是不想誤了對方的將來，怕對方再為自己浪費青春，根本給不了甚麼承諾對方。Michael說：「當時佢就快32歲，我都就快40歲，又要去北京發展，我睇唔到大家會有將來。加上我當時嘅經濟好唔掂，跟我只會攬住一齊死。所以我先作出咁狠狠嘅決定，唔想再繼續去糾纏。我覺得我無做錯，因為我坦白。」Michael又自言一生人並無咩對唔住人，只是虧欠了他這位前度女友，如果有下世，甘願來世去償還給對方。他目前仍會先專注於事業工作上。
Michael自覺虧欠咗拍拖7年嘅空姐前女友。
【溏心風暴3】48歲唐文龍點解可以咁fit？ 街頭體能訓練操到爆肌
陳少霞早已退出幕前。
+3