【平安谷】阮兆祥俾綠帽劉江戴？ 阮︰朱晨麗入門前已經暗戀佢
撰文：林迅景
出版：更新：
《平安谷之詭谷傳說》將於今晚（１日１４日）接著《誇世代》的檔期播放。套劇雖然就放了一年先出街，但是話題性依然十足，無他嘅，一來此劇接著由膠劇昇華至神劇的《誇世代》，二來演員陣容亦十分好，由蘇玉華、黃浩然及陳凱琳領銜主演，又有劉江、朱晨麗、龔嘉欣、阮兆祥。
覺唔覺得阮兆祥瘦咗？
演員之一的阮兆祥接受《香港01》訪問時，就介紹了自己的角色。「我喺劇入面係擔任陸家管家嘅角色，但係我本身係姓伍嘅，後尾因為家道中落由陸家作主，所以我就入咗陸家做管家。我主要嘅戲份係同朱晨麗一齊，不過顧曼儀（朱晨麗 飾）就係陸金谷（劉江 飾）聚返嚟嘅填房（四太）。但係早喺顧曼儀（朱晨麗 飾）入門之前我就已經暗戀佢。（即係伍尚舜（阮兆祥飾）俾陸金谷（劉江飾）綠帽戴？）係冇嘅，只係單方面嘅暗戀，不過我個角色就為佢做咗好多嘢。」
《平安谷》女演員眾多。（劇照）
除了《溏心風暴３》結局篇以及《平安谷之詭谷傳說》的劇集;宣傳外，阮兆祥近來更忙於準備《福祿壽十周年演唱會》。「畢竟我哋闊別咗紅館已經５，６年時間，喺呢段時間都會積落一啲想做又未做嘅嘢，但係如果呢２個月有特別嘢發生，我哋又會想加埋落去。」阮兆祥更提到，他為了這次《福祿壽十周年演唱會》更特別地去了修身。「我希望以一個比較輕盈嘅狀態去應付演唱會，始終要歌舞連場吖嘛。我為咗減肥仲要戒澱粉質，麵包，飯，麵已經同佢哋絕交。但係絕交成績都唔錯嘅，我都瘦咗10磅，當然仲會配合跑步運動啦。」
阮兆祥都係肥少少好睇喎。（網上圖片）
+3