【萬千星輝】馬國明10次入圍最佳男主角 奧運六星之中最遲彈起
馬明再次痛失視帝！雖然他今次沒有再「灰足36小時」天然呆，但他未能在《萬千星輝頒獎禮2017》得到《最佳男主角》獎項，但有不少網民都替他不人一值，因為他入圍過《最佳男主角》10次。雖然近年大家都係好關心佢同女友黃心穎嘅戀情，但馬明係演藝路上都默默耕耘。
相關文章：
【萬千星輝】藝員互選TVB視帝視后 過半數推馬明稱帝
【降魔的】馬國明恨攞最佳劇集 跟團隊共榮辱：佢哋真係睇住我大
入行就快20年嘅馬明，由跑龍套開始做起，直到2003年《衝上雲霄》飾演Roy才開始上位，其後在《律政新人王II》首度擔任男主角。在2006年奪得當年頒獎禮的「飛躍進步男藝員」獎項。星途當然越來越順喇，2005年開始憑著《同撈同煲》首次入圍《最佳男主角》獎項，其後每年都有提名，可惜一次都係陪跑，無獲得任何獎項，搞到好多網民為他感到不值，紛紛說他十分好戲，理應獲獎。
相關文章：
【萬千星輝】陳山聰捱25年終奪最佳男配角 同超雲甩拖變四失男
【萬千星輝】竹昇妹麥美恩好隻身到港發展 出道7年變「是非精」
除此之外，不得不說TVB的「奧運六星」。除了馬明，還有陳鍵鋒、林峯、吳卓羲、黃宗澤及黎諾懿。頭三位已經衝出香港，而且在內地有一定知名度，搵到好多桶金，偶爾回到香港演出就當是業餘。至於黃宗澤，他去年約滿TVB之前，經常往來中國香港兩地，有強大的發展潛力。剩下黎諾懿與馬國明還留在TVB，但兩人對比之下，早前馬壯更榮升為五億駙馬，人生已贏了一大半。因此，馬明在六人之中最遲彈起，足足等了18年先至出頭，憑著《降魔的》的馬季人氣急升。
最經典一定2012年他憑住《On Call 36小時》入圍視帝， 當年負責頒獎的就是七料影后葉德嫻做嘉賓，她在頒獎前淺談幾位候選人後，卻表示「而我不知道馬國明是誰」，令馬明超尷尬。之後，宣布「視帝」由黎耀祥奪得時，馬明更被鏡頭補捉到呆立當場，從此之後有「天然呆」稱號。之後有人開始研究點解馬明次次都拎唔到獎，因為佢拍嘅劇都變為「炮灰」，搞到有「炮灰王」稱號。唔講真係以為馬國明得罪無綫，搞到次次所演的劇集被受冷落。唔少網民就認為馬明唔係演技唔好，而係天時地利人和問題。
早前他接受《香港01》被問到網友紛紛認為他可以憑《降魔的》攞視帝，他當然是以官腔式話平常心、有提名已好高興，因為他最想劇集拿《最佳劇集》，原因是監製、導演都和他一起成長，「監製方駿釗，當時佢做導演嗰陣，我仲係未做男主角，茄哩啡嘅時候，已經俾機會我，其他導演呀、crew呀，都真係睇住我大，所以我更想佢哋獲得肯定。」