【迷】27歲簡淑兒 VS 30歲賴慰玲 邊個最girlfriendable？
撰文：郭敏玲
出版：更新：
簡淑兒VS賴慰玲，你揀邊個？（Instagram圖片）
不知大家有無收睇TVB最近播出劇集的《迷》呢？雖然此劇反應未如《親親我好媽》般有迴響，但仍然能引起網民的討論。近日就有網民在討論區舉行投票，就將《迷》兩位女演員簡淑兒及賴慰玲作比拼，問一眾巴打如果要揀女朋友，真心會揀邊個？這個選舉奇妙在，兩位女演員本身在劇集沒有交集，相信搞選舉的目的，可能兩位的風格截然不同：簡淑兒就甜美可人，而賴慰玲是爽朗直率，揀邊個就要睇自己鐘意咩type啦！
直到晚上8時12分，賴慰玲以813個「負皮」領先。
截至今日晚上8時12分，賴慰玲暫時以813票領先，拋離簡淑兒300多票。網民就分析揀賴慰玲的原因，就講到：「我鐘意賴慰玲嘅內在！」有人什至不相信賴慰玲已經30歲，大讚她「望落好順眼」、「演技好自然」，覺得她「演技有實力」；加上賴慰玲早前獲得影帝黃秋生高度評價，而視帝鄭嘉穎亦讚她演技好，實力不容置疑，成功指日可待。至於都有簡淑兒的fans為偶像護航，就覺得她很girlfriendable，樣子清純。一句講晒：「各有各好啦！」
賴慰玲得知有此投票後回應記者：「我梗係開心網民like 我啦！唔會介意同任何人比較，都係大家開心吓啫！下次可以同坤哥選戰吓。」至於簡淑兒就表示：「如果畀我揀，我都會揀賴慰玲，因為同佢相處落，覺得佢好得意。冇得話介唔介意同人比，之前都有網民將我同其他女演員比，不過每個人都係獨特嘅，都有自己嘅過人之處嘅，但自己要講又好難，因為好似好自大咁！哈哈！」
簡淑兒平時打扮都係CUTE CUTE地。（簡淑兒Instagram圖片）
居家少女鐘唔鐘意？（簡淑兒Instagram圖片）
高貴亦得，得咗。（簡淑兒Instagram圖片）
賴慰玲看似爽朗傻大姐，但佢都有lady的一面。（賴慰玲Instagram圖片）
Winki平時會同好朋友去行山。（賴慰玲Instagram圖片）
一睇就知winki行自然簡單路線。（賴慰玲Instagram圖片）