【世界盃】三大睇波餐廳推介 邊間$98包飲包食包埋房?

撰文:
最後更新日期:

世界盃四年一度,除了一眾球迷非常期待,相信連平時不看足球賽事的大家都會湊湊熱鬧。今屆賽事於俄羅斯舉行,而且多數於香港時間晚上8時至凌晨2時開波,所以大家毋需像上屆巴西世界盃般捱夜睇波之餘,更可以約埋一眾波友出街睇波。不過究竟哪裡有得睇波又有氣氛呢?

(受訪者提供圖片)

推介一:hmv kafé - 高清巨型屏幕

在家獨自睇波,又怎夠一班人齊齊睇波有氣氛,如果想有氣氛兼有波睇,hmv kafé應該是個不錯的選擇。hmv kafé位於銅鑼灣,是香港極少數符合規格且擁有娛樂牌照的餐廳之一,有舞台、音響及燈光設備,球迷可以一邊睇波,一邊享受現場音樂表演。今次世界盃,餐廳更另外加設大型高清投影屏幕及電視進行直播,但要留意並非播足64場賽事,而是只會直播VIU TV 19場的免費賽事。

不過最欣賞的,反而是大廚特意設計的多款世界盃主題菜式及飲品。頭盤的水牛芝士番茄羅勒沙律配黑醋珍珠,以分子料理的烹調方法做出啫喱狀的番茄汁,配以雪糕狀的水牛芝士,做成足球外形,賣相及味道都很有心思。主菜可選世界盃未來漢堡,或美國穀飼西冷牛扒配威靈頓及砵酒汁,未來漢堡碟上鋪滿沙律菜,賣相似草地足球場,不過西冷牛扒就好像跟世界盃完全沒關係。甜品是柚子慕斯蛋糕配宇治抹茶雪糕,師傅用柚子慕斯蛋糕堆砌出足球場,配以朱古力球靴及足球,再加上以打碎的白朱古力做成滾滾黃沙的效果,非常應景。

HMV Kafé 世界盃2018特色套餐(包頭盤、主菜、甜品)
價錢:每位$380
地址:銅鑼灣百德新街22-36號名珠城4樓
電話:2504 1538

世界盃套餐 - 水牛芝士番茄羅勒沙律配黑醋珍珠;將番茄汁啫喱及水牛芝士做成足球賣相,很切合世界盃主題。

按圖看更多世界盃菜式

+3
+2

推介二:RedMR - $98包食包飲包房

跟一班朋友出街睇波,想包房又怕太貴?如果說包房睇波,還送食物飲品,只需$100有找的話,恐怕大家都不會相信。事實是Red MR 紅人派對出了一個非常抵的世界盃睇波套餐,不單止全程直播全部64場賽事,而且每位只需$98,就可以2小時觀看1場球賽並任唱,套餐更包2支啤酒或1杯飲品加1份小食(漢堡包/熱狗/洋蔥圈)。不過大家可能有疑問,如果場波打和要加時,超過2小時又怎樣計?原來這個價錢只適用於分組賽事,場波打和就各得1分,並無加時,所以2小時之內的確可以打完場波。至於分組賽之後的賽事,Red MR 紅人派對或者會調整價錢,大家要密切留意了。

Red MR 紅人派對(所有分店)
電話:3125 3125

你沒看錯,只需每位$98的價錢,就可以包起間房睇世界盃!

按圖看更多菜式及環境

+2

推介三:café bar on 8 - 6隊足球強國主題小食

每個人心目中,都有一隊足球世界盃冠軍。上屆世界盃德國奪冠,德國球迷固然開心,但其他國家的球迷失望就在所難免,不過今屆各國球迷又可以重新振作了,如果你是以下6支強隊的支持者,café bar on 8的食物應該很適合你。

位於中環半山麥當勞道貳號的café bar on 8,除了會直播全部64場賽事之外,更特別推出以6支世界強隊為主題的足球美食拼盤及特調雞尾酒。若果是今屆東道主俄羅斯的粉絲,就不能錯過其俄羅斯小食拼盤,有俄羅斯人每逢節慶必吃的布林餅,鬆軟的薄餅皮配上香濃甘香的紅魚子醬,是俄羅斯的傳統味道;德國小食拼盤則有三大德國代表美食,包括皮脆肉嫩的德國鹹豬手、煙燻味濃的法蘭克福香腸,以及咬下去富有嚼勁的椒鹽卷餅;葡萄牙小食拼盤提供三款葡國傳統街頭小食:炸馬介休球、葡式蛋撻和葡式豬扒包;西班牙小食拼盤包括三款西班牙經典Tapas--蒜香番茄多士、蒜香香草水欖及香炸魷魚鬚;英國小食拼盤則有香脆的炸魚薯條、傳統英式甜點米布甸及香腸佐薯泥;法國小食拼盤有焗田螺白菌,鮮甜肉厚的田螺與酥香的牛油同焗後,螺肉甘香軟滑。值得一提的是,客人如果穿著當日比賽球隊的球衣去餐廳用餐,即可享有全場飲品買二送一的優惠。

café bar on 8 
地址:半山麥當勞道2號8樓
電話:2132 2688

捧英國的球迷,又怎能錯過香脆的炸魚薯條?

按圖看6隊強隊小食

【世界盃】香港01全力策動 區區有波睇! 免費睇波兼有禮物包

《香港01》App,為你送上最新飲食情報、各式食譜、健康資訊
立即下載:
https://hk01.onelink.me/FraY/hk01app



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。