世界盃2018想睇有辦法?手機流動睇、4K高清睇.全攻略!

撰文:
最後更新日期:

FIFA世界盃2018將於6月舉行,一眾球迷一定已經磨拳刷掌搵方法去睇直播吧。今次世界盃於俄羅斯舉行,直播的時間非常適合香港人睇(最早8點開場,最遲凌晨2點),當然想追睇晒64場精彩賽事。不過除了可以在電視免費頻道收睇部份比賽外,點樣先可以睇盡所有精彩的比賽呢?

早前Now於影視博覽中公布有關「2018世界盃4K直播」詳情。(林勇攝)

>>Join Plan買Pass

今年FIFA世界盃2018由NowTV獨家取得播映權,想睇晒第一個方法就是join其收費台月費計畫,再購買「2018 FIFA世界盃通行證」先可以睇(如果已是客戶就可以直接購買通行證)。而今年睇世界盃除了就這樣睇直播外,還有好多附加功能,令球迷們睇得更盡興。

首先便是今次機頂盒對應直即錄影,只要接上指定的HDD就可以立刻錄影賽事,就算直播時冇時間一場不漏睇晒。
第二,新加入Timeshift功能,可以睇緊直播時隨時暫停,或者後即時退後睇返精華。
第三,睇全場重溫時可以選擇重點跳播,睇返入球或者其他重要時刻。
基本世界盃通行證原本正價要成近九百蚊,現時限時優惠只需$280,除返每場都只是四個幾,已有該付費台的球迷無理由不申請。

4K超高清播放,更對應HDR影像輸出,細緻之餘顏色黑白更分明!(林勇攝)

>>加兩嚿睇4K直播

今次更在香港首次加入4K直播,擁有通行證的用戶,只需要另加二百蚊,就可以直接升級睇4K超高清直播(3840 x 2160 50p),影像更逼真,連球員的表情都可以清楚睇晒。另外,今次更對應HLG HDR輸出,映像光暗對比分明,畫面自然更立體。暫時所知,到時會有4台同時直播世界盃賽事,包括2個1080p高清台以及2個4確定K超高清台。

(視覺中國)

>>手機流動睇

如果是該收費電視用戶及已購入「通行證」,基本上已包用手機app睇波。但如果唔想join plan又如何?據記者得知,官方將會不久推出「流動手機世界盃」的plan,估計是毋須申請一般收費電視月費計畫,以一個價錢用流動裝置(如手機或平板等)睇盡64場世界盃賽事,但詳情暫時未知,不介意只在手機睇波的話,可考慮等一等。

>>等睇免費頻道

如果真的不想花錢,亦可以考慮只收看免費電視台ViuTV,將會有19場賽事,包括揭幕戰、2場4強及決賽,於ViuTV上免費播放。俄羅斯世界盃決賽周揭幕戰於6月14日展開,7月15日舉行決賽。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。