【世界盃】阿仙奴足球學校星級教練 落場玩盡《俄羅斯方塊》狂熱
撰文：胡劍威
出版：更新：
說時遲那時快，全球盛事「2018世界盃」6月14日就正式開波！今年移師到俄羅斯舉行，香港朋友未必有時間抽身到當地觀戰，還好早前ViuTV宣布將會免費直播包括7月15日決賽在內的19場賽事，實行人人有波睇。如果大家覺得只是安坐家中睇波有點悶，不妨考慮出去參加一些世界盃主題的活動，尤其有小朋友的球迷，一家大細齊齊玩，體驗狂熱氣氛享受足球天倫樂都不錯。
《俄羅斯方塊》加世界盃主題球場面積更達2,000平方呎，落場踢兩腳都幾過癮。
活動期間現場有不同道具和遊戲給大家齊齊玩。
而說起俄羅斯，可能好多人第一時間諗到經典遊戲《俄羅斯方塊》，雖然同世界盃沒有直接關係，不過鑽石山荷里活廣場就非常有心思，成功把兩者結合，更加同阿仙奴（香港）足球學校合作於6月7至22日舉辦連串活動。在此期間，商場內設有全港首個「方塊拼圖足球場」，以遊戲為設計概念，用玩味十足的「Z」型方塊形狀拼砌而成，而這個仿真草球場的面積更達2,000平方呎，切合活動主題。
另外，還會舉行「WINNING IV青少年挑戰賽」，聚集由港超聯及足球學校組成的13歲以下青少年球隊，於6月9至10日及6月16至17日以四對四形式進行對賽，爭奪成為終極皇者，當中的「最有價值球員 (MVP) 」及「神射手」，更可於6月18日的「終極決戰」中，跟足球名星組成夢幻隊比試。小朋友有得玩，對於大球迷來說最吸引莫過於睇球星，阿仙奴（香港）足球學校此期間亦會派出星級教練：巴西藉前港超球星安達、首位征戰澳職的女足代表張煒琪及前港隊隊長李偉文等擔任星級軍師，於「阿仙奴足球學校訓練基地」內傳授足球秘技予小球迷。參加詳情可以瀏覽：www.plazahollywood.com.hk，一家大細齊齊熱定身等睇世界盃連場大戰。