機票格價網揭秘 搶平機票最佳時機及注意事項 早幾多日買先最平？

日本及台灣都即將開關，大家是時候準備搶機票喇！機票格價網Skyscanner之前曾透露搶平機票最佳時機及注意事項，原來早幾多買機票都有講究，每星期這段時間買機票會最平！

機票格價網爆搶平機票最佳時機及注意事項！早幾多日買先最平？

買廉航機票有攻略！原來唔係越遲越平

想搶購廉價航空公司（簡稱廉航）推出的機票，根據Skyscanner講法，原來秘訣在於「愈早買愈好」，活節、暑假、聖誕節等旅遊旺季時，好在出發前6個月就要開始留意定機票價格。疫情之前，廉航通常會再出發日3個月至一年前推減價機票，有時候更平至1元，反之在最後關頭才買機票，分分鐘貴過傳統機票！

早幾多買機票先好？

參考Skyscanner資料，平均出發前18星期會最優惠。例如話出發去大阪或台北，在出發前六星期預訂機票就會最平最優惠，而飛阿姆斯特丹，則最好在出發前26星期訂機票。

這個月份去旅行最多平逾1成！

雖然話訂票時機會因應不同目的地而有所差異，但Skyscanner指出，11月一般是外遊最優惠月份，在11月出發旅遊，平均可以節省 14.5%機票費用。而再2月出發則最不划算，比平均票價足足高21.5%。