連登仔持200萬首期難上車 網民:去外國名校讀書搏移民仲好

撰文:
最後更新日期:

香港長期面對土地問題,市民上車難人所共知。有網民在連登討論區上分享,指自己已儲約200萬做首期,以為會有很多選擇,不料和地產經紀睇樓後發現「真係覺得香港樓係離晒地,貴到咁買垃圾」,經紀還向他說「無㗎啦,全九龍都係咁,只會愈嚟愈細」。

網民在連登討論區上分享自己第一次贂樓的經驗,指樓價實在高得難以接受。(連登討論區截圖)

+4
+3
+2

日前有網民在連登討論區上表示,「今日第一次睇樓,估唔到係咁」,他說自己有約200萬元存款做首期,「自以為咁樣已經有好多選擇」,於是他經過九龍區一個新樓盤時,便「上去望下」。不料經紀帶他參觀樓盤時,竟發現樓盤走廊很短,單位之間十分接近,形容「好似劏房」。

樓主說經紀帶他看了一個約200呎單位,叫價超過600萬,而且間隔是「開放式,無房,無獨立廚房,張床要朝行晚拆」,但經紀還向他說「九龍區呢啲單位無㗎啦,你上網睇下就知」,使樓主大嘆「六百幾萬買啲咁嘅野,對唔住我真係接受唔到」。

劏房問題在梁振英治下繼續惡化。(資料圖片)

曾經去不同地方旅行的樓主指,自己住過民宿、Villa(別墅),「真係覺得香港樓係離晒地,貴到咁買垃圾」,但身邊的經紀卻只會說「無㗎啦,全九龍都係咁,只會愈嚟愈細」,認為對方「好自欺欺人,好似合理化依樣野咁,痴晒線」。

有網民留言表示,自己的情況與樓主差不多,已經儲了一筆首期打算上車,但市區樓實在太貴,「買咗返嚟第時留畀個仔都唔好意思」,於是打算在新界置業。另外亦有人建議,如果有200萬,寧可去外國名校讀書「搏移民好過」,因為「香港係官商勾結型資本主義發展到極限嘅結果,已經無得救又無得返轉頭」。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。