港媽開刀產子嫌累 6日不洗澡靠工人抹身 陪月員嚇呆:臭到想嘔

撰文:
最後更新日期:

媽媽產子後需要坐月休息,不少人更會招聘陪月員,幫助調理身體及照顧初生嬰兒。日前一名陪月員在facebook分享一次崩潰經歷,她稱竟有一名新手媽媽生完6日沒有洗過澡,其間只由工人抹身及媽媽幫手換衛生巾,令身上充斥惡臭味,讓她相當震驚。

當她成功說服媽媽下床洗澡後,她發現床鋪情況更為惡劣,「床單好多血漬加屎漬」,加上惡露(產後陰道所排出的分泌物)的味道,令她直言「戴住雙重口罩聞到都想嘔」。

fb專頁「陪月辛酸。血。淚。屎」分享一宗懶惰媽媽的事件,指媽媽的行為十分不衛生。(fb專頁「陪月辛酸。血。淚。屎」截圖)

+2
+2
+2

該陪月姨姨日前在facebook專頁「陪月辛酸。血。淚。屎」發文,指日前遇到一位懶惰媽媽,當她到達其住所工作時,新手婆婆便對她說「你幫吓口叫吓阿女去沖涼,佢個身臭㗎!」陪月員一踏進房間,即心知不秒,「臭到呢!屎味加臭味傳晒入我的鼻,想嘔!」其後陪月員得知新手媽媽是開刀產子,但因為怕痛不想下床,產後6日來從未洗澡,只是靠工人幫她抹了2次身,並由媽媽幫她換衛生巾。

陪月員聽到這番說話後即「反晒白眼,吸一大口氣,手揸緊拳頭」,勸對方「其實咁樣對你傷口有影響架,好易有細菌」,而且餵哺母乳時亦可能傳染細菌給初生嬰兒。不過媽媽表示,自己沒有餵人奶,強調「我生完好攰,咩都唔想做」。雖然媽媽堅持,不過陪月員繼續勸導,媽媽最終願意下床去洗手間。

其後陪月員為初生嬰兒以薑水洗澡,竟然發現嬰兒「污糟多老泥,啲頭泥又無整理,一嚿一嚿咁」一問之下,新手婆婆竟然表示「BB返嚟都無沖過涼,我唔記得咗點沖喇,同埋我哋一家都習慣咗三幾日先沖一次涼」讓陪月員感到難以置信,「擘大個口得個窿」,更心想「等陣到個阿媽,我屎(死)梗」。

其後最崩潰一幕發生了!當陪月員扶新手媽媽起床準備洗澡時,坦言「被個情況嚇得退後兩步」,她指床單充滿屎跡及血跡,加上惡露的味道,簡直「戴住雙重口罩聞到都想嘔」,陪月員更形容,「新手媽媽條睡褲,深深淺淺嘅血漬,如果佢唔郁,我諗我(會)估佢應該係被人殺死咗㗎喇!」

由於新手媽媽多日沒梳洗,陪月員指她的頭髮「已經一餅嘢咁,慢慢梳慢慢洗再吹乾都用咗45分鐘」,而且因谷奶關係,陪月員形容她的胸部「又漲又硬」、「乳頭啲乳線已有堆奶乾咗硬晒咁,塞實晒啲乳線」,最後花了足足1小時才成功解決問題。

其後新手媽媽清洗下身時,又是另一悲劇。陪月員原本叫她先以花灑清洗,但她卻坐到整盤薑水上,立即「痛到叫晒救命」,令「成盤薑水變成臭血水」,於是陪月員幫她以冷水清洗。而新手媽媽清洗雙腳時,陪月員竟然看到「佢啲腳趾甲係黃晒,翻晒出嚟」,原來媽媽自懷孕起10個月以來都沒有剪腳甲!

陪月員坦言照顧這位新手媽媽期間,「心入面講咗過萬句粗口」,心想「有無人頂得順呢啲女人?」答案是有的,而且陪月員形容「新手爸爸仲係幾好樣同乾乾淨淨㗎!」。

有網民坦言「想像唔到有啲咁嘅人,好得人驚,好難想像佢真身係點」,亦有人表示自己開刀產女後翌日已經下床,在醫院內來回嬰兒房餵人奶,至第6日已經沒有步行問題,亦因為產女時正值夏天,回到家便立即洗澡,感嘆「佢同佢老公真係好厲害,佢哋應該抗菌力超高,但我反而係擔心BB,好可憐」。

(facebook專頁「陪月辛酸。血。淚。屎」)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。