【母親節】16歲仔做兼職儲錢 上網求教:帶媽媽食壽司會否失禮?

撰文:
最後更新日期:

母親節帶媽媽吃什麼好呢?一名16歲網民上周四(10日)在連登討論區發帖,表示為了在母親節請媽媽到元氣壽司用餐,已經做兼職好幾個月,儲下600元。該網民擔心不夠錢找數,逐上網求教元氣壽司的價格,問怎樣「柯打」最抵食,又擔心慶祝母親節,只請吃壽司會否失禮媽媽。網民熱議大讚樓主有義心,又指「你同阿媽去食,佢只會開心,食咩都唔會失禮啦」,更多人相繼分享與媽媽慶祝的趣事,十分窩心。

16歲網民發帖求教,問帶媽媽吃壽司慶祝母親節,會否好失禮?(VCG)

網名「門關起的一剎」在連登討論區以「母親節帶媽媽食元氣壽司,會唔會好失禮?」主題發帖,向巴打求教到底帶媽媽吃元氣壽司慶祝母親節,會否好失禮;他稱自己兼職賺得600元,擔心該壽司店會收加一,逐問巴打怎樣「柯打」最抵食。

帖文一出旋即惹來網民熱議,不少人給予樓主正評,又讚他有孝心;有巴打向樓主派定心丸,指為人母親最重視兒子心意,不會在乎失禮與否,「根本阿媽就唔在乎失唔失禮,只要有心佢哋就開心㗎啦」、「你媽知你有心,已經會好開心」。另有巴打回應,指600元兩個吃壽司一定夠找數,只要「食壽司前叫個烏冬打底,200蚊左右都夠」。

請媽媽吃壽司的帖文勾起其他網民回憶,紛紛想起第一次請媽媽用餐的窩心往事。(VCG)

帖文也勾起部分巴打與媽媽慶祝母親節的窩心往事,「我之前第一次返工第一次出糧,咁岩(啱)撞正有18件麥樂雞我老母話想食,我買咗返去之後,老母開心到喊」、「我自己煮嘢畀佢食,佢勁開心」。不過,有巴打認為無論是請食飯還是送禮物予媽媽,都應該先了解其喜好,不然對方好易不滿,「睇你媽咪平時係咩人啦…我媽收禮物淨係鍾意收貴嘢」、「記得小學雞時摺咗好多星星,串咗條星星頸鍊,點知送俾(畀)媽咪,佢話做咩送埋晒啲垃圾俾(畀)佢」。  

(連登討論區)

母親節圖輯
+4
+3
+2
立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。