連登絲打唱K捧韓貶港 嘲張國榮張學友「衝唔出香港」惹3000負評

撰文:
最後更新日期:

香港歌星及廣東歌在全球發光發熱,不少經典金像風行全球,但近年光芒被K-POP(韓語流行歌)稍為掩蓋,而香港不少新生代亦熱愛K-POP而少聽廣東歌。有女網民早前在連登討論區發帖,指與90後及千禧後同事「唱K」點唱韓文歌,不滿70後同事突然加入,並點唱了張國榮及張學友的歌曲,世代之爭不歡而散。樓主在帖文形容「雙張」是「衝唔出香港嘅歌手」,甚至「以後冇咩必要都係唔好同啲老嘢唱K」。

帖文狂吸3000個負評,有網民笑問是否「潮文?」,直指「人哋衝出國際你都未X出世啦」、「知唔少90(後)00後都鍾意張國榮…眼光咪咁短淺啦,井底蛙」。

有女網民在連登討論區發帖捧韓抑港,不滿70後同事突然加入及點唱香港歌星張國榮及張學友的歌曲,帖文招來3000個負評。(連登討論區截圖)

+17
+16
+15

下載「香港01App ,即睇城中熱話:https://hk01.app.link/l7U1Y7t5LO

有自稱「99後」的女網民本周三(8日)在連登討論區發文,指當日「同成班同事唱K…入面全部都係90後同00(後)」,其間有一名70後同事表示想加入,一眾年青人「好唔情願咁話一齊去囉」,但暗地裏「開group」批評對方破壞氣氛打擾興致。

一眾年青人入房後點唱韓文歌,例如女歌手IU、男團BIGBANG,但該位70後同事問「佢哋係邊嗰?同埋做咩唱韓文歌?」隨即點唱《有心人》及《遙遠的他》共2首廣東歌,女樓主在帖文形容這是「聽都未聽過嘅垃圾歌」,上網搜查得悉由「張國榮、張學友呢啲衝唔出香港嘅歌手」原唱,其中一名年青人取笑70後同事「老餅」,對方感到不快,隨後離開,女樓主崇韓抑港,在帖文更寫「以後冇咩必要都係唔好同啲老嘢唱K」。

韓星IU有「國民妹妹」之稱,其歌唱實力獨得肯定。(資料圖片)

+5
+4
+3

帖文一出後引起近3000負評及逾110正評,樓主其後留言問負評是否主要來自中年用戶?更與其他網民唇槍舌劍開戰,有人問帖文是否「潮文?」,指張國榮與張學友「衝出國際你都未X出世啦」,亦有張國榮歌迷留言指「知唔少90(後)00後都鍾意張國榮,包括小妹,衝出嚟X?眼光咪咁短淺啦,井底蛙」;亦有人指「講笑咩?張學友大把90後聽過啦,張國榮好多fans」,另有人表示「風水輪流轉,到時你又咪係畀班10後笑」。

但有少數網民認同樓主觀點,指年紀較大的人士嚮往香港輝煌時代,坦言「真係冇咁多時間去識幾十年前嘅人」,樓主形容年紀較大者「唔識向前看」,年輕人要在googlde搜尋後,才知張國榮及張學友是誰。

不過有網民懷疑事件的真確性,留言指「基本尊重都唔識,如果件事係真,樓主應該幾乞人憎」、「擺明假膠」、「樓主如果係假膠就算,真膠就檢討吓」,甚至有人指現時卡拉OK沒有張國榮版本的《有心人》,懷疑女樓主編造故事,亦有人疑「曲線」留言,自稱無綫藝人「張振朗我就識」。

香港已故歌星張國榮演唱過不少經典歌曲。(資料圖片)

+3
+2

不過,有網民藉帖文慨嘆廣東歌近年的確是弱勢,「咪就係你呢啲人令好嘅廣東歌一直沒落,淨係識聽韓文」。

翻查資料,已故歌星「哥哥」張國榮的專輯《The Greatest Hits of Leslie Cheung》於1989年在韓國空前賣出30萬張,而專輯《寵愛》更在韓國大賣50萬張,至今沒有其他華語唱片可以打破紀錄;2009年韓國首爾舉辦以張國榮命名的「張國榮電影節」,這是韓國首次為懷念特定明星而舉辦電影節,2010年上海世博會,韓國館官方公布在韓國最具人氣的中國影視演員排行榜,張國榮名列第三,當時哥哥已逝世7年,但當地影迷歌迷亦十分懷念他。

「歌神」張學友早就「衝出香港」,世界巡迴演唱會場場爆滿。(資料圖片)

+2

而「歌神」張學友亦早已「衝出香港」,1993年專輯《吻別》在全球大賣400萬多張,台灣佔了四分一,至今仍保持台灣最高唱片銷量紀錄;而1995年,張學友的唱片銷量名列全球第二,僅次於美國歌星米高積遜,而其歌迷亦遍布全球,每次舉行世界巡迴演員會,各地門票均大賣。

(連登討論區)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。