連登仔買50公斤啞鈴重到頂唔順 網民:如雙手拎住條女返屋企

撰文:
最後更新日期:

為擁有一雙強勁臂彎,不少男生會買啞鈴回家日日操。有市民近日網上分享買一套50公斤啞鈴的經歷,稱帶回家時累到「想掟咗最大幾個餅」,最後要「call車」;有網民笑形容50公斤啞鈴根本是成年女性體重,樓主猶如「雙手拎住條女返屋企,係威既」。

不少網民對買啞鈴回家之難深有共鳴,有人笑稱帶回家時啞鈴紙箱中途爆開,「唯有插X哂d餅,舉左人生最重嘅一次」。

擁有一雙強勁臂彎是許多男性的夢想,有網民就分享買50KG啞鈴的經過,最後「要唔順Call車」回家,示意圖。(視覺中國)

下載「香港01」App ,即睇城中熱話:https://hk01.app.link/l7U1Y7t5LO

事主在連登討論區分享,提到自己在觀塘買了一套50公斤重啞鈴,離開店舖拿落樓「隻手已經GG,見到長命斜真心X咗出嚟」,還停了在樓梯處休息。他家住元朗,剛離開已考慮扔了最大的幾塊餅以減重量。

樓主邊搬邊上網分享非人歸途,稱抵達港鐵上車後已無力拖動啞鈴,「仲畀個阿婆鬧塞住門口」,直言想中途投降,打算在太子站「Call車」回家,有網民即時鼓勵他不要放棄,但樓主始終難以手提50公斤啞鈴回家,「終於頂唔順叫咗車,我兩隻手已經郁唔到」。笑指司機看到其狀況,也好好人地問是否需要幫他把啞鈴搬埋入屋。

一般家用啞鈴套裝多數不超過20公斤,圖非涉事啞鈴。(視覺中國)

看到帖文後,有網民笑言即使是經常健身的人,都不會拿50公斤啞鈴行遠路
,「50公斤徒手拎?我以前新手都係拎20KG」,又認為有些店舖常說20公斤「好快就唔夠做」,遊說客人買較重的套裝,根本是搵笨,沒想到客人搬運之難。

有網民質疑樓主為何會買重達50公斤的啞鈴回家用,「你諗下倉佬同地盤搬50公斤都係拎一陣間好短路程,講緊一包泥45公斤行幾層樓,當然有人托2包,但都係地盤內,你50公斤喺街拎返屋企,真係青春」。

+2

當然也有醒目網民直接問為什麼樓主不選擇有送貨服務的店舖,或提早「Call Van」運回家,不過沒想到原來買啞鈴竟是許多網民的青春回憶,帖文引發他們紛紛提及往事,有人說只要拿着啞鈴,「啲人眼神好似我攞住個炸彈」、「推住手推車,點知落到樓已經爆咗轆」、「我上次都係喺觀塘買咗30kg有手推車,都拉到我撲曬街」、「買啞鈴,佢用紙皮加繩扎起畀我」,又有人認為如果是搬30公斤啞鈴還算吃得消,「50公斤冇練返咁上下都唔掂」。

有網民笑言可以考慮「分開拎」,分享指「我掉咗最大嗰兩塊入草叢,拎咗其餘上去先,抖咗半個鐘,再落去執返」。

有一名網民說自己買拎啞才是真的慘絕人寰,「我相信冇人X得過我,拎啞鈴到觀鐵站爆咗個紙箱,啲餅跌到成地都係,仲要冇袋,果時又放工時段,我唯有插X哂啲餅,舉咗人生最重嘅一次,仲要拎住同人逼,5分鐘路程上巴士,行咗20分鐘,肌肉痛咗兩個星期……行行下踩爛埋對人字拖,拎X埋啞鈴去CS度,拎橡根扎住隻人字拖,大家自己幻想下」。

立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。