【店員媽媽是無辜的】換月餅惡客好難頂 餅店員工：中秋係惡夢
中秋將至，餅店陸續湧現換月餅潮，人家開心準備過節，店員卻有苦自知。有餅店女員工網上分享因換月餅現形的惡客，稱未到日期試圖強行換月餅、買不到屈員工留貨炒賣者比比皆是，種種無理事情令樓主大感辛酸，慘痛稱「返工都要帶媽媽」，形容「八月十五對我哋來講可能係一個惡夢」。
下載「香港01」App ，即睇城中熱話：https://hk01.app.link/l7U1Y7t5LO
樓主早前於facebook專頁「西客之道 HIspitality Secret」發文，指自己是某大集團餅店的員工，其分店為指定換領月餅地點，故每年中秋都有大量客人到來換餅，亦因而體驗過不少離譜經歷。
她指公司會在開售月餅卷前提前在facebook預告，一開售都會引來顧客大排長龍，不時出現供不應求情況。因公司規定一人只能購買5張卷，不少人「拉埋工人小朋友一齊嚟」，她照跟規矩，惟總有售完之時，最後一位「幸運兒」的後面客人常因而對她破口大罵，「問候晒我嘅祖宗十八代」，令她慨嘆「問候完一輪咪又係冇得買，何必呢」。
她又稱因個別種類月餅太受歡迎，今年公司在卷上印有指定換領日期，惟有客人為「早拎早享受」，不顧到期與否殺入分店取餅，甚至撕走卷上標註指定日期的部分「博大霧」，一計不成即態度即「180度轉變」瞬間發怒，令樓主戲稱「真係換餅都要帶住媽媽返工」(意指被粗言辱罵)。
買到的罵，買不到的罵得更狠，樓主指不時有向隅者發惡，甚至冤枉餅店員工「特登收埋之後拎去炒」，樓主稱公司早有規定員工不准在工作時間購買月餅，加上有閉路電視及交易記錄等，反問「點解要鋌而走險為咗賺嗰少少去做啲咁咩事呢？」
樓主亦分享不少「特別經歷」，指曾有客人拿着非指定銀行的信月卡索取特定優惠，又有人「拎住A款月餅券要求換B款月餅」，或「拎走咗之後拎返黎話少咗粒月餅」，更試過「打電話過嚟留咗幾十箱月餅話要拎但最後又冇嚟拎」。
種種無理事情令樓主大感無奈，諷刺自稱是「帶家人返工嘅賣餅妹」，反問「當中幾多辛酸又有幾多人知」。樓主最後更認為中秋節於餅店員工而言充斥着不快回憶，直言對大多港人來說可能「係一個喜慶團圓嘅日子」，惟對她及同業而言卻只是「一個惡夢」。