激嬲女友要去馬鞍山美食遊先獲原諒 連登仔求教網民一日5餐攻略

撰文:卡洛兒
出版:更新:

「美食沙漠」稱號非馬鞍山莫屬,當成功爭取吉野家進駐一刻,大家都熱烈地彈琴熱烈地唱,足見居民平日「搵食艱難」。近日有網民在連登討論區發帖,稱因禍從口出激怒了女朋友,「佢話要我帶佢(去)馬鞍山美食一日遊先肯原諒我」,又指明不要連鎖店,遂向各巴打求救。有連登仔坦言「同分手冇分別」,但亦有人提供不少可行的小店選擇,希望幫助樓主度過一劫。

有網民在連登討論區發帖,稱因禍從口出激怒了女朋友,「佢話要我帶佢(去)馬鞍山美食一日遊先肯原諒我」。(連登討論區截圖)

下載「香港01App ,即睇城中熱話:https://hk01.app.link/l7U1Y7t5LO

有網民昨日(21日)在連登討論區以「唔小心禍從口出激嬲咗女朋友,佢話要我帶佢馬鞍山美食一日遊先肯原諒我」為題發帖,指自己對馬鞍山不熟悉,「真係跪X係到求大家,一日五餐」,又稱不要爭鮮、吉野家、大快活及麥當勞等連鎖店」,希望巴打們可以提供意見。樓主還說,女友對味道較為着重,即使沒有環境「打卡呃like」,但食物好味都會大讚他的安排。

+6
樓主收集意見後,計劃到平民小店「知味小館」享用午餐。(網上圖片)

不過有連登仔隨即打沉樓主,認為要求去馬鞍山美食遊「同叫分手冇分別」,認為對方明顯不想提分手但又想他知難而退,更叫樓主打定輸數,「下個更美好」;另有網民笑說:「搵5個住馬鞍山嘅巴打帶你上門食住家飯好過。」

另有網民提出不少建議,如去恆安街市「掃街」吃小食、上海菜小店「三哥廚房」、又有車仔麵或茶餐廳,還有馬鞍山居民地道平民小店「知味小館」。最後樓主總結各人的意見,定出一日4餐只欠宵夜的組合:

早餐:黃錫記
午餐:知味小館
下午茶:Beans
晚餐:Casa café

有網民就建議,晚餐後可以到「甜匠」吃甜品。(ig「soul_sweet」圖片)

有網民就建議,晚飯後可以到「甜匠」吃甜品,或到恆安街市吃一碗豆腐花,為一日5餐美食遊作結,希望樓主可以度過難關!