80後火車迷唔買樓 寧花逾20萬開模型場 妻:佢玩得開心就得喇!

最後更新日期:

「男人愛高達,女人唔明白」,網上不時流傳高達模型、四驅車、手辦公仔、漫畫等男人玩具被女朋友或老婆「逐出家門」的照片,狀甚悽慘。玩具與老婆,對部份男士來說就像魚與熊掌,兩者不可兼得。80後火車迷Raymond租下工廈單位,出錢出力砌出鐵道模型情景場「鐵道交流所」,開場投資已花掉20多萬元,再加上每月還要倒貼數千元營運,有人批評他「有錢唔買樓走去玩模型」,但他的嗜好卻得到太太Kian的「默許」,羨煞不少男士。

鐵道模型場的工程超支延誤,老公為「另類老婆」而廢寢忘餐,「正印」Kian竟一直支持身邊人,在拜金的社會令人嘖嘖稱奇。Kian直言,最初已經覺得模型場潛力有限,不過看到老公開心已經足夠,「如果唔係蝕得好緊要,都希望佢繼續做一段時間先」,得妻如此,夫復何求?

Raymond(左)最初向老婆Kian提出開模型場時,Kian一度認為他不會付諸實行。(溫嘉敏攝)

+26
+25
+24

下載「香港01」App ,即睇城中熱話:https://hk01.app.link/qIZYuEC5LO

Raymond自幼稚園時期已是火車迷,一直希望有屬於自己的鐵道模型情景,她與大學同學Kian拍拖7年後結婚,轉眼已結婚4年。Kian表示拍拖初期只知道Raymond喜歡日本文化,會看日劇和聽日文歌,數年後才知道他喜歡火車,而當時他只玩較便宜的Tomy玩具火車Plarail,「佢興趣嚟嘅,都OK嘅」。

Raymond在4年前買入第一套N比例精細模型,價錢以千元計。由於N比例模型造工仔細,更連包裝盒都明顯特別,當時已經是老婆的Kian很快便「緝私」,「Tomy火車唔係好貴,屋企間雜物房有成堆都係佢嘅,後尾發現有一兩架唔同啲,係特別靚啲」。女人對模型的眼光,估算並不如珠寶或護膚品般準確,「嗰陣時知道係比較貴,但係唔知咩價錢,Tomy火車可能200、300左右,估佢500、600左右都可以接受」。

Raymond第一套買的N比例火車就是圖中的旭川動物園號,事後被老婆Kian發現。(溫嘉敏攝)

Raymond一直只向Kian說新玩具「比較貴」,但沒有說出實數,直至模型場開始營運後,有客人「爆響口」,對錢比較着緊的Kian才知道N比例模型的價錢常以千元起跳,與Tomy火車差距極大。事件與騙徒手法十分相似,但Raymond澄清自己從來沒有說謊,Kian也只能無奈笑:「佢係真係無講個價錢出嚟,係講貴啫。」

Kian笑說曾經想過想將Raymond的Tomy火車一次過掃出家門,「實在太齖齰(讀音類似「訝渣」,廣東話俚語,即「阻碇」),樹又有一堆,淘寶訂咗好多Layout果啲屋仔,路軌呀,咩嘢都有,好恐怖」。現時Raymond轉玩N比例模型,Tomy火車被打入冷宮,但Kian不打算除之而後快,「因為我驚佢買唔返」。

或許是感情,或許是默契,Raymond也沒有想過Kian將他的珍藏放血,「可能被佢縱得太多,所以都未有呢個擔心」,問到為何未有一早向老婆坦白時,他笑說:「我自己都覺得貴,唔係幾好意思!」在Kian心目中,Raymond仍然是一個小朋友,對身邊男人沒有拼命儲錢買樓,卻花錢開模型場,Kian仍然體諒,「我諗大家都生活喺呢個城市,都係為層樓又返工,都要有啲興趣,覺得佢玩呢個嗰時開心,都OK嘅」。

不少鐵道迷都喜歡儲特別彩繪的模型,圖中的「叮噹海洋列車」亦是經典之一。(溫嘉敏攝)

詎料模型場超支兼延期,支出由10萬變20多萬,工程時間由4個月變8個月,「好似永無止境咁」。Kian還要叫家人幫手做場景,例如以膠水、樹葉粉「種植」過千棵樹木。現時模型場月蝕6000至7000元,比預期多一倍,但Kian卻覺得有成就感,「啲客上到嚟話好靚,又玩得好開心,我都覺得有少少安慰到我嘅」。

明年8月租約便會到期,是否止蝕離場是一大關口位,不過Kian表示,即使未來要大幅加租,或會考慮搬到附近,讓模型場可以繼續做下去,「我諗佢都有個夢想,係想將呢個嘢呢搞到好似日本咁,小學生已經識玩,佢想將呢個文化帶開去,好似有個使命係度,所以而家係支持佢嘅」。

「要火車定係要我?」Kian說這個問題從來沒有存在過,因為「覺得應該揀我先」,Raymond亦趁機坦白,「事實上,肉麻啲,我都係揀佢多過火車」。

使用較小型的鏡頭,或是在火車上安裝鏡頭,便可以透過其他視角感受鐵道場景的魅力,(按圖細看)↓↓↓

+20
+19
+18

說到經營場景的經過時,Raymond一時感觸,從眼角拭走一滴眼淚。(溫嘉敏攝)

Raymond在大約2年前構思要做鐵道模型場,Kian最初不覺得他會付諸實行,「所以都係敷衍下佢」。直至去年到日本旅行期間,Raymond指着一個情景場,告訴Kian「想搞呢樣嘢」,Kian才明白Raymond想做的到底是什麼一回事。

回港後,Kian一直都未有答應讓Raymond開模型場,因為這玩意在香港太冷門,「市場真係好小,佢話整呢檔生意,其實我無諗過話支持,開頭係唔應承」。不過Raymond鍥而不捨,不斷吹枕頭風,說模型場是自己的心願,雖然賺不了大錢,但亦蝕不了大多。Kian預算每月最多蝕2000至3000元,當興趣玩一下,少出一點街都接受得到,於是批出「不反對通知書」。

鐵道交流所facebook專頁

鐵道交流所網頁



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。