黃秋生參觀丹麥公屋讚有良心 斥港人互相壓榨:一層壓一層搶劫

撰文:
最後更新日期:

TVB神劇《創世紀》中許文彪的經典金句「呢個世界公平咩」,道盡香港人多年來的「樓奴」辛酸。日前ViuTV在facebook專頁上載藝人黃秋生主持節目《人住公屋我住公屋》的精華片段,他參觀丹麥公屋後感慨萬分,大讚當地人有良心,20萬元成本的樓不會賣200萬元,反觀香港人卻以百物騰貴為藉口,變相「你逼我搶,我又逼你搶」,怒斥香港人「一層一層壓落嚟,大家一齊共同去搶劫」。片段上載不足一日,火速引起網民熱議,留言感嘆:「全世界係得香港咁變態」。

藝人黃秋生日前在電視節目中參觀完丹麥的公屋後,道出不少香港人面對高昂樓價及物價的壓力。(ViuTV《人住公屋我住公屋》片段截圖)

下載「香港01」App ,即睇城中熱話:https://hk01.app.link/qIZYuEC5LO

ViuTV電視節目《人住公屋我住公屋》邀請曾鈺成、梁國雄、黃秋生、林一峰、林二汶及盤菜瑩子擔任嘉賓主持,6人分別前往不同國家,介紹世界各地最具代表性的公屋,節目在本月中其播出。

藝人黃秋生被安排前往丹麥哥本哈根,參觀當地公屋及感受生活,日前ViuTV在fb專頁上載黃秋生該集的精華片段,片中黃秋生參觀的公屋單位面積約1141平方呎,月租約1.2萬港元,供一家三口居住,不但有開放式廚房,屋內空間感十足,環境寬敞。

不過鏡頭一轉,黃秋生表示來了哥本哈根數天,「睇咗啲公屋,周圍行下,有啲嘢好想講」,他大讚丹麥值得學習及欣賞,指出當地人有良心有良知賺錢,「呢間屋起咗20萬元,賣畀你唔會係200萬元……唔會話你鐘意個價錢mark up到幾高,或者我可以收到幾多錢,將個價錢(推到)死亡邊緣差唔多,整間屋叫做『納米樓』,100呎,你瞓得入去好瞓啦衰仔,你仲要畀錢」。

+7
+6
+5

黃秋生表示在丹麥生活,住客有寬敞的空間,環境乾淨,而且有足夠休息時間,「唔單止生活空間,(丹麥人)生活時間、方式、形態,係人嘅形態,唔係一隻狗嘅形態」。他亦留意到丹麥人願意與鄰居聊天,建立左鄰右里的關係,住客面帶笑容,輕鬆表情彷彿說:「好滿意、好滿足、好開心」。

反觀香港樓價及物價高企,黃秋生愈說愈氣:「問返香港人『點解你(賣到)咁貴?』,佢100個理由話你聽,『租貴、物料又貴、人工又貴、咩貴』……大家一齊共同去搶劫,你逼我搶,我又逼你搶,我又貴啲,然後逼佢搶,佢又同我一齊搶,逼嗰個搶,一層一層咁壓落嚟,一齊搶」,他用丹麥的舒適生活反諷香港逼人的樓市及生活指數,直言香港人在互相壓榨的環境中掙扎求生。

TVB經典神劇《創世紀》中,許文彪狂問「點解要用成世人嘅時間去供一層樓…呢個世界公平咩」,道出不少香港人多年來買樓供樓的壓力。(TVB劇集《創世紀》片段截圖)

精華片段火速引起網民共鳴,上載短短一日已有逾22萬次觀看次數,逾5000人讚好或「畀喊喊」,網民大讚黃秋生貼地反映現實,多人更留言指「狗其實過得比我們好,寵物狗有優越的生活條件,不愁吃不愁穿,不用工作。流浪狗雖然挨苦,但它們有自由。人呢?沒有自由,沒有生活品質,還要死命地上班」、「全世界係得香港咁變態」、「香港只是表面繁榮,背後有多少黑暗,多少辛酸」。

不過,亦有人反駁指丹麥的個人所得稅大約40%,然而香港一向採取低稅政策,換言之港人需要交重稅才能換取黃秋生所形容的生活,批評他隨便比較兩地情況,但亦有網民指:「如果交40%稅可以換『活得是人』的尊嚴,我願意!香港啲稅都唔係用喺適當地方,咁交來做咩?」、「交40%稅換到咁既生活,我願意換取!」

(綜合)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。