【何鴻燊逝世】風流賭王傳世金句 回應「五奶」傳聞:四個夠晒數

撰文:卓柏安
出版:更新:

澳門賭王何鴻燊自2009年起抱恙退隱,其後入住養和醫院休養,一度傳出病情轉壞需送入深治切治療留醫(ICU),何家各房太太及子女其後輪流到養和醫院探望,及後情況轉趨穩定,偶爾也能在其子女社交帳號看到賭王的最新情況,看起來精神尚可,惟至日前突傳其病情轉危消息,至今午(5月26日)終確認,一代賭王何鴻燊病逝,終年98歲,令不少網民大感不捨。
情場上風流倜儻、商場上靈活變通的何鴻燊,歷年來金句不絕,每次在公眾場合出現,一言一行均備受關注,當中的風趣與睿智,絕對經得起時間考驗。

賭王何鴻燊有年輕時樣貌俊朗,加上風流倜儻的個性,吸引不少女士埋身。(美聯社)

下載「香港01」App ,即睇城中熱話:https://hk01.app.link/qIZYuEC5LO

關於感情

●回應另有五奶傳聞:我無咁嘅本事,四個夠晒數。

●86歲生日,照慣例與各房慶生:走到氣咳,食到嘔凸!

●爭產風波現身讀聲明:我呢的確呀,為呢次風波,搞到我自己唔開心,屋企人亦唔開心,因為呢,我呢十年來,我好惜我屋企人,未試過採取你又告我,我又告你。

●教男士惜老婆:男人對老婆一樣要三從四得,就是老婆化妝要等得、鬧人時要忍得、買東西要捨得。
笑容要似哈巴狗,但千祈唔好淪為「烚熟狗頭」,對情人、太太都要好,所以要送九卡寶石同九九九九金飾。
 

賭王何鴻燊有4房太太共17位子女,圖左一為三太陳婉珍,左四為四太梁安琪。(資料圖片)

●教女士要有矜持:如果男朋友約你食嘢,你就餓狗搶屎咁,乜嘢男朋友都走晒啦!

●狗年被問生仔定生女好:如果生女似老虎狗、烏嘴狗,咁就難出手啦?生得靚時鎖又鎖唔住,所以最好生狗仔!

●回應女兒何超瓊欲向前夫許晉亨借種傳聞:我一滴都唔贊成!

關於事業

●憶述年少時家道中落曾貧窮潦倒:當時窮起上嚟嗰陣時,啲人另眼相看,見到我都運路行,驚我同佢借錢,故此我嘗過呢個味道,就識得要發奮。

●1941年日本侵掠香港,時為港大生的何鴻燊逃亡到澳門:喺香港,我打過十幾日仗,好危險嘅,譬如畀佢(日本軍)一知道就拉去赤柱坐監,故此我用一個難民身份去咗澳門。

●勸人不要沉迷賭博:我一向勸人哋將賭博當係玩耍、娛樂,但係千祈唔好過份賭,過份賭未必有得贏嘅,因為我係抽水嘅,但啲人往往唔聽嘅。

●談及澳門賭業對手金沙裁員:金沙咁驕傲,驕者必敗,呢次乜嘢架都丟清。

●勉勵年輕人要發奮:我一路呼籲後生嗰一輩人士,我話唔好接受個answer no咁容易,我一生人唔聽個「No」字,一定要搞到「Yes」為止,呢點係好重要。

(Getty Images)
何鴻燊1995年接受訪問。(路透社)

評論時局

●撐曾蔭權參選特首:我認為曾特首是一枝獨秀,自動當選。

●2005年批評前特首董建華推出八萬五政策:迫我講咗七年大話,年年都話 (樓市)就快好番,大家放心,一定得,實係揞住個心講。

●西九政府擬單一招標,何鴻燊反對提出拆細招標方案:(單一招標)是將大禮送給一個發展商,都肥到着唔到襪,好世界到不得了,重要畀封大利是佢!
 

賭王何鴻燊住院後,各房妻子及兒女經常往探望,圖為三太陳婉珍與長女超雲(左二)、超蓮(左三)及兒子猷啟。(資料圖片)

關於養生

●86歲時在泰國因灌腸通便受傷:得咗全世界最邋遢嘅病。

●80大壽談及養生稱要學伯公何東爵士:蛇蟲鼠蟻秋收冬藏,男性雄蟲都一樣秋收冬藏,所以佢一到秋天就同太太分房瞓,一路都冇交易!