粉嶺華明街市兩餸飯$29 街坊鬧得5舊肉好貴 網民:昏迷十幾年?

撰文:
最後更新日期:

搵食艱難,一個早餐都突破30元大關的年代,要找個「抵食」飯盒談何容易!粉嶺華明街市翻新後,昨日(16日)重新開幕,不少街坊都趕緊光顧,但有網民則在facebook群組抱怨29元兩餸飯只有「5舊肉」,雖隨飯盒送一包紙包飲品,但認為貴到「離晒大譜」,直言「呢間嘢無下次呀!」不過一眾網民卻紛紛議論29元飯盒份量應有多少,質疑「咁抵仲要鬧?」,亦有人笑稱「 係咪喺醫院昏迷咗十幾年啱啱醒返?」,指樓主不知現今物價有多貴。

有網民在facebook群組抱怨29元兩餸飯只有「5舊肉」,雖隨飯盒送一包紙包飲品,但認為貴到「離晒大譜」。(fb「Fanling 粉嶺」截圖)

下載「香港01」App ,即睇城中熱話:https://hk01.app.link/qIZYuEC5LO

有家庭主婦昨日在facebook群組「Fanling粉嶺」發文,指趁着華明街市新開幕,也懶得煮飯就買了一個兩餸飯試食,可是一打開飯盒卻發現只得5塊肉,盛惠29元,雖然送飲包飲品,但仍覺昂貴,「離晒大譜!不如齋白飯收我29蚊啦!」,更揚言不會再幫襯:「呢間嘢無下次呀!寧願行過隔離街市幫襯無咁嬲!」

從樓主上載的照片可見,飯盒大格部分裝滿白飯,並有2隻炸雞翼和3件西檸雞,小格則有醬汁。帖文一出隨即引起熱議,不少網民都認為樓主要求太高,質疑「29蚊有幾多份量先正常」,直指「$29仲想點,畀成隻雞你好唔好?」、「睇字講到咁,我仲以為係五粒肉,睇埋圖啲肉都算大舊!$29包埋嘢飲仲唔抵呀?」、「現今係咁啦,你估以前$29有雞鴨牛魚羊菜湯加飲品呀,你瞓醒未呀!」
 

↓↓↓ 網民熱議29蚊兩餸飯貴唔貴 ↓↓↓

↓↓↓網民上載舊式報章廣告抵死回覆↓↓↓

有網民笑言樓主是幫店舖曲線宣傳,「點解睇完我會好想食?」、「好抵食喎,下次試」,又指抵過吃下午茶餐、車仔麵了,另有人建議「食老麥啦,26蚊有6舊肉」。不過有網民就指價錢不貴,但睇相的確不吸引,「我都冇下次」,有人就分享其他街市抵食飯盒,指元朗同益街市有15元雙拼燒味,灣仔亦有28元油雞飯。

立刻Like!讚好《01熱話》:


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。