茶記食30蚊早餐用1000元埋單 OL明明有散紙:我就係想你找散畀我

撰文:
最後更新日期:

入茶記勿付千元大鈔是常識吧!平民茶餐廳一個餐幾十元,萬一個個客人都夾硬要付大鈔,真係1多多都唔夠找。有待應在facebook群組「西客之道Hispitality Secret」投稿,大呻一名「OL」吃一個30多元的早餐後,硬要用1000元大鈔付款,更要求侍應找人出去唱錢。因為OL態度強硬又惡劣,而且見到她銀包內明明有很多細額鈔票,於是和同事一起整蠱對方,令OL承認自己有散紙之餘,還等了1個小時才成功找錢。

有OL到茶餐廳食30多元早餐,明明有鈿鈔卻用千元大鈔埋單。(示意圖/資料圖片)

下載「香港01」App ,即睇城中熱話:https://hk01.app.link/qIZYuEC5LO

該名侍應稱發文是希望客人明白,店舖沒有義務替客人「打散」大鈔,但「個個都係咁……係咪搞錯咗啲咩?」侍應在一家平民茶餐廳工作,一個早餐30元有交易的那種,「唔好話500蚊,100蚊都少見」,萬一有人以大鈔付款,500元還可能找到,但1000元就麻煩了。

侍應表示,有天早上9點多,一名OL持千元大鈔去付30多元的帳單,「我即時反白眼,問小姐,有冇細張少少?」結果對方稱沒有,明言「我就係想你找散畀我」。侍應看一眼收銀機,發現沒有足夠的百元鈔票,問「我找哂10蚊、20蚊畀你得唔得?」如果換來對方一句:「散成咁梗係唔得啦!」

侍應任職於平民茶餐廳,平日收到500元還能應付,但1000元就較難找贖。(示意圖/資料圖片)

侍應無可奈何下,問OL可否放些東西當抵押,出去唱錢再回來。OL認為她無任何責任,稱:「點解要我放低嘢做抵押呀,你哋自己出去唱囉,我而家畀咗1000等住你哋找返900幾蚊畀我呀!」這時侍應看到OL的銀包裏根本有細面額鈔票,「藍、綠、紅色都有嘅,係要拎張金色出嚟」。

見OL故意為難又態度差,侍應叫同事出門唱錢,「仲特別交帶唔需要急,最重要啱」。15分鐘後,OL着急問為何唱如此久,侍應稱早上唱錢較難。半小時後,OL發難問「你哋係咪偷錢㗎,咁耐嘅?」侍應解釋同事在銀行排隊唱,被OL指責為何去銀行,「周街都係舖頭」。等了45分鐘後,OL稱自己上班快遲到,「其實我有散紙㗎,我而家就埋單,唔使唱散好唔好?」。

這刻侍應堅持要等同事回來才找到900多元,等足1小時後,同事回來找錢,這時侍應稱:「佢走嗰陣我仲咇左個西到爆嘅笑容講:『多謝晒,下次見!』」其實同事只到鄰近店舖唱錢,5分鐘已完事,但就到了另一處吃早餐才回來,「早知叫佢買埋餸先返嚟啦」。

網民看完帖文稱大快心人心,希望OL汲取教訓,有人就叫侍應快檢查該張1000元,「有細紙仲特登比大紙,張1000係唔係假?」不過有網民稱,試過開店時有客人影印,只需1元卻夾硬付500元大鈔,「因為一陣去街市買餸,嫌街市找錢污糟,上嚟唱散佢」。

(facebook專頁「西客之道Hispitality Secret」)

立刻Like!讚好《01熱話》:


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。