【生活百科】木材家具熱脹冷縮現裂縫 裝修佬教買一樣嘢DIY修復
撰文：熱評
出版：更新：
文：裝修佬
大部份家居裝修都離不開使用木材，無論係家俬、門框定係鋪設地板，唔多唔少都會用到木材。雖然木材會令屋企感覺更溫暖、更貼近自然，但係就會因天氣變化而熱脹冷縮，久而久之就會出現裂縫，唔盡快適當咁處理問題就會令裂縫越來越深，難以補救…… 究竟有咩方法可以自行修補木材裂縫呢？裝修佬話你知！
木料填充劑能夠有效修補少於6毫米嘅裂縫，防止裂縫繼續延伸，阻止情況惡化。 （裝修佬YouTube頻道截圖）
下載「香港01」App ，即睇城中熱話：https://hk01.app.link/qIZYuEC5LO
其實坊間都有各式各樣嘅修補裂縫方法，但就唔係每種方法都咁有效，加上工序煩複，真係未必未個個用戶都識得自行處理！就喺云云眾多方法之中，有一種方法就係使用木料填充劑喇，佢係一種含天然木纖維嘅快乾木料修補填充劑，能夠有效修補少於6毫米嘅裂縫，防止裂縫繼續延伸，阻止情況惡化。
木材是家居常用的物料之一，可以帶來溫暖的感覺。（資料圖片）
鋁窗漏水｜解釋3大漏水原因 裝修佬教你6招防漏做好保養免後患！熱到暈但怕電費貴唔想長開冷氣？裝修佬教室內降溫11招超級消暑【生活百科】樓下開冷氣 樓上地板出水 裝修佬講解冷凝水成因【生活百科】網傳家居地板變魚池養錦鯉 裝修專家解構到底得唔得
加上木料填充劑夠晒簡單易用，只要打開蓋再配合刮刀幫手就可以輕鬆解決裂縫問題，而且填充劑乾後仲可以鑽、釘、磨同埋上漆，咁就好難發現修補過嘅位置啦！只要屋企有木料填充劑，就算木材因天氣改變而出現裂縫都冇有怕喇！
作者簡介：
裝修佬是家居裝修奇難雜症專家，希望透過文章分享及網上互動，解答巿民各式裝修難題，改變大眾對裝修方式和置家理念。
作者facebook專頁：https://www.facebook.com/hkdecoman/
（文章標題由《香港01》編輯所擬。文章純屬作者意見，不代表《香港01》立場。）
《01熱話》設有「生活百科」欄目助大家解決日常生活疑難，如讀者在家居裝修、電器保養使用各方面有疑問，歡迎私訊到「01熱話」facebook專頁或電郵至：hotpicks@hk01.com，如有需要，將會邀請專家解答。