焗爐當儲物櫃用 僱主呻外傭誤觸開關險釀火災 網民:你都有責任

撰文:安祖娜
出版:更新:

土地問題是港人的共同煩惱,蝸居內如何分配儲物空間都是一門學問。有外傭僱主早前發文大呻,指家中焗爐一向不會使用,故用作儲存食材,不料外傭抹地時誤觸開關,令焗爐內的食材起火冒煙,幾乎釀成火災,狠批外傭「低能」。不過網民了解事件後,卻稱僱主同樣有責任,「唔用又插電掣?呢個意外其實係可以避免」。

有僱主大呻外傭誤觸焗爐開關險釀火災,惟網民了解來龍去脈後卻指僱主本身也有責任。(fb群組「僱主工人姐姐互相討論區」影片截圖)

下載「香港01」App ,即睇城中熱話:https://hk01.app.link/qIZYuEC5LO

有僱主日前於fb群組「僱主工人姐姐互相討論區」上載片段及發文,指家中外傭「日日有新嘢」,幾乎釀成火災。片中可見,樓主廚房的焗爐內不斷冒出白煙,不過爐內放的並非正在烹調的食物,而是多包仍未拆包裝袋的食材,其中兩盒已被取出放到地上,疑有烘燶痕跡。

樓主稱,家人一向不使用該焗爐,故將冬菇、麥皮、藥材等食材放於爐內儲存,事發時外傭蹲於地上扭毛巾,背部疑不慎觸碰焗爐開關肇禍。樓主嬲爆稱,意外後全屋滿佈白煙,但外傭「冇諗過整熄,係咁標煙然後若無其事去抹嘢」,令她大感憤怒,直斥:「係咪傻㗎?千叮萬囑佢去廁所扭毛巾,懶到爆!」

樓主指家人一向不使用焗爐,故將食材放於爐內儲存,意外後部分食材疑有烘燶痕跡。(fb群組「僱主工人姐姐互相討論區」影片截圖)

樓主立即熄爐降溫,並拍片紀錄冒煙情況向外傭公司投訴,她事後更新指已即時將外傭送回公司並解僱,大呻涉事外傭已有多次前科,「佢好多誇張嘢,都唔知點培訓」。

網民看過片段亦感同情,認為樓主解僱外傭是無可厚非,「咁樣落去遲早出事,呢個係common sense嘅問題」、「好多工人做錯事真係唔緊要,但係唔知錯唔認錯,好難接受到」。

不過,不少人質疑樓主亦有責任,「既然個爐唔用,你又放雜物入去就應該斷電抆電掣,其實你自己都有責任,今次就話着火?下次爆炸點算」,樓主則回應指焗爐供電連接廚房電源,「一斷全部斷」,但未獲網民支持,「講緊嘅係家居安全問題,你呢個意外其實係可以避免,當然工人都有部份責任但不是全部」、「點解講到自己一啲責任都無咁」。

↓↓↓同場加映:網民感恩遇上好姐姐↓↓↓

+3