叫外賣全家等5個鐘 晚上10點半先知被cut單 港媽:最憤怒母親節

撰文:
最後更新日期:

不少家庭都趁剛過去的母親節聚首一堂慶祝,為了讓媽媽休息一下,叫外賣自然成為留家過節的最好選擇。有網民於討論區發文大呻,指母親節當日一家叫外賣Pizza作晚餐,沒料落單後等足5小時也無食物送到,食店電話也打極無人聽,至晚上10時半才得知被「cut單」,令她非常不滿,形容是「最憤怒的母親節」。

有港媽於討論區發文,大呻母親節當日叫外賣薄餅慶祝,沒料全家等足5小時才被cut單。(資料圖片)

下載「香港01」App ,即睇城中熱話

「唔知有無人同我一樣咁慘?」,該名女網民早前於「親子王國」討論區發文,大呻母親節叫外賣的憤怒經歷。她指當日眾人聚於媽媽的家,因不想媽媽辛苦下廚,又不想外出用餐,故決定叫外賣Pizza。由於節日很多家庭都會叫外賣,樓主亦早在5時半下單,預計食物會在約8時半送到。

直至晚上9時,樓主仍未等到外賣,「點知打電話無人聽」,半小時後決定致電食店查詢,同時「唯有食咗個母親節飯後甜品cake頂下肚先」。不料食店及外賣熱線電話一直無人聽,「開始望窗同喪打電話」,至10時她決定致電投訴熱線,「點知係非工作時間」。

一家人等了足足5小時,至晚上10時半樓主終於「死心」,各人各自回家,而樓主媽媽亦決定即使食物送來也不會接收,沒料她回家途中便接到餐廳來電,「打嚟同我講由於內部問題,送唔到嚟要cut單」。

樓主等至晚上10時半,突然收到餐廳電話指未能送餐要「cut單」,令她非常憤怒。(資料圖片)

樓主直言:「嘩真係仲嬲過最後11、12點先送嚟!母親節一家人等咗佢咁耐,係送唔到張單到點後(點餐後)最多半個鐘你都要通知個客,打電話又唔聽,最後晚餐無食到仲要返屋企煮公仔麵,真係!」她又認為當晚「受害者」不只她一家,「如果唔係電話應該唔會打唔入,一定好多人追單,只係估唔到最後佢會直頭無嚟」。

帖文引來網民同情,不少人均指涉事餐廳「真的很離譜」、「就算送唔到,都應該要早啲通知客人」,又安慰樓主稱「打畀你好過無尾飛陀」、「難得一個好好嘅節日,咁就無咗,明白你有幾嬲,戥你無奈」。

亦有網民指出大時大節還是自取外賣最穩陣,「母親節一定多單,仲要選送貨係不智的,點解唔自取呢?」、「除非你自己去攞,唔係嘅話假期特別日子嗰啲真係唔好嗌」。

同場加映:呢樣家電竟是翻熱Pizza神器!
立刻Like!讚好《01熱話》:


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。