討論區揀高質男人攻略惹爭議 香討絲打:基層男多數同畜牲冇分別

撰文:
最後更新日期:

找到生命中的Mr. Right是不少男女的願望,不過人人擇偶條件也不同,「理想對象」的定義自然也因人而異。多個討論區近日瘋傳一個「教人揀高質男人」的帖文,雖然帖文為本年6月所發,但仍被「翻炒」熱議,因發帖絲打直接指出「基層男人多數同畜牲冇分別」,認為女性必須找到擁有高學歷及高薪又穩定的男人才會有幸福。

一名網民本年6月曾發文「教人揀高質男人」,一度引來網民討論,沒料近日再被「翻炒」,被轉載至多個討論區再次引起熱議。(《愛回家之開心速遞》劇照)

下載「香港01」App ,即睇城中熱話

一名網民本年6月於香港討論區以「(警世)教各位師姐點樣選擇高質男人」為題發文,一度引來網民討論,沒料近日再被「翻炒」,被轉載至多個討論區再次引起熱議。原文樓主指,發現不少女性都遇上「嫁錯人」的問題,「結婚之後不停話自己老公唔上進,又話呢樣唔好嗰樣差,其實呢啲嘢唔能夠完全怪你老公,有咁嘅結果更大程度係因為你哋一開始就唔識得揀男人」。

樓主稱,要判定一個男人是否屬「優質」,首先要看學歷,最低要求是大學畢業,「呢個年代連大學都讀唔到嘅男人唔係『劣質貨』,直頭係垃圾,應該送去堆填區」。即使有大學學位,樓主也認為「咩學校畢業都好重要」,如非名校出身則只屬普通。

樓主認為,男人要學歷、事業、品味及內涵也達一定程度才能稱得上「優質」,而女士要以這種男人作為伴侶才會有幸福。(《愛回家之開心速遞》劇照)

同場加映:正確價值觀從小建立!曾有女童跟父母外出食飯時遇到污糟地盤夫婦,媽媽耐心教導獲得大讚:

+6
+6
+6

學歷只是入場劵,樓主認為「如果唔識揀職業嘅話都係冇用㗎」,指出部分女士選擇任職侍應、地盤或保安等她認為是基層工作的男士作對象是大錯特錯,「要知道做基層班男人多數同畜牲冇分別」。樓主指,基層男人容易有不良嗜好,而且技術工種亦可輕易被取締,「你哋覺得呢種男人有安全感咩?所以揀『優質』男人第二樣要睇嘅就係睇佢職業夠唔夠穩定同人工高唔高」,故認為專業人士或企業中上管理層才是正確選擇。

除此之外,樓主認為男人的品味及內涵亦很重要,直指「合格的男人」最少要佩戴名錶及駕駛名車,「正所謂『人靠衣裝』,你都唔想拖住一個成身U記,錶都冇隻,出入仲要搭巴士搭港鐵嘅男友去見親戚朋友㗎嘛,搏俾姊妹笑咩」。樓主續指,「就算一個人學歷同職位再高都好,佢都係一件賺錢機器」,故優質男人亦要懂得品味生活,「好似識得煮下嘢食品下酒,欣賞下啲藝術或者對時事發表一些看法之類」。

樓主對好男人的要求引來網民激烈討論,不少人批評她「冇料扮四條」,認為列出高要求前首先自己也要有相應條件,「你揀人,人揀你;人哋咩資質自然揀返對等」、「最緊要都係大家條件相若,否則好難長久」、「高質邊個唔識睇呀,不如敎人如何找個真心的仲實際啦」。

另有網民質疑樓主刻意「作文」吸引關注,「大家冷靜,我有理由相信呢個帖個樓主係搏鬧」、「有機會係諷刺緊啲香討人,因為平時一定唔少人有咁嘅諗法寫咗上去先會俾佢諷刺」、「係篇有心機嘅潮文」。

👇👇日本女生熱論「10個與港男拍拖好處」👇👇

+8
+8
+8

👇👇交友APP常見8類人👇👇

+16
+16
+16

👇👇網民實測初次見網友提出AA制會有咩結果👇👇

+22
+22
+22


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。