【多靚相】80後辭工流浪成全球十大旅遊攝影師

「2012年咪話世界末日嘅，我嗰陣諗……真係世界末日，就冇機會去流浪。」Raven於是放棄安穩工作，提起背包，浪遊各地。
2012年12月21日，世界末日沒有到來，Raven卻踏上攝影之路，更於今年獲美國雜誌《Top Teny》評選為全球十大旅遊攝影師第二位。

因世界末日踏上旅途

成為旅遊攝影達人前，Raven是一位圖書管理員，每天校對圖書目錄。儘管月入逾2萬元，比下有餘，但每天安坐櫃枱前，看着時鐘，他自覺生命在滴答滴答聲中，悄然流逝，「好悶呀，頂唔順……喺度等死咁」。當年流行世界末日傳說，Raven思念一轉，如末日到來，便無機會出走流浪，於是毅然辭職，到澳洲體驗工作假期，「世界末日，都幾appreciate（欣賞），畀人一個反思，諗吓有啲咩你真係好想去做」。

在澳洲生活時，Raven報名應徵一份「絕世筍工」，並成為最後25強，由於該份工作的應徵條件需要拍攝風景照，介紹當地勝景，是Raven踏上旅遊攝影師之路起點。其後Raven開始到處旅遊，他憶述在加拿大黃刀鎮，湖面反映天上極光，彷彿當刻便是永恆，「世界好大，大到你用你一生都未必睇得晒，睇得幾多得幾多」。不過，旅途從非一帆風順，在美國他遭搶走所有攝影器材，包括最有紀念價值兩部相機；在雲南，他險因塌石而掉下山崖，「去到目的地食碗麵就諗，啱啱都幾危險，但唔緊要啦，而家仲生勾勾」。

「好多香港人都係咁，你問佢佢都唔鍾意自己份工，但搵食吖嘛。但如果而家唔使你搵食，有冇啲咩真係冇錢畀你，你都願意去做，咪就係你心之所在囉。」

外婆成攝影啟蒙導師

回到攝影起點，Raven說外婆是啟蒙導師。他記得婆婆愛攝影，每天拿著「傻瓜機」拍照，年歲漸長，就反過來要Raven為她拍照。為婆婆按下逾6萬次快門，他總在研究如何把婆婆拍得更美，逐漸發展出個人攝影風格。

當上全職攝影師，Raven常被質疑「搵唔搵到食？」但旁人眼光對他而言不算甚麼，最令他耿耿於懷的，是初起步月薪只得四位數字，「（當時）畀唔到家用屋企，好guilty（愧疚）」。不過，家人對於他全職攝影相當支持，更反過來安慰，「有乜所謂啫，人有三衰六旺，你啱啱起步，萬事起頭難」。

努力並無白費，攝影事業終上軌道，Raven更獲美國雜誌《Top Teny》評選為全球十大旅遊攝影師第二名，作品被指擅於捕捉令人屏息的風景。他向《香港01》表示，對於獲認同受寵若驚，「自己堅持嘅事原來有人睇到」。

「唔係醫生律師政府工，啲人就會覺得你搵唔到食……香港個環境係會令人講呢啲說話，咪笑吓，係㗎真係搵唔到食㗎準備攞綜援，唔需要太執著人哋嘅說話。」

太多人為拍照忘記初衷

器材越來越先進，價錢也漸趨平民化，攝影近年不再高不可攀。在Raven眼中，太多人為拍照而忘記初衷；在北海道美瑛，他見過不少旅客為拍攝花田而將農作物通通踩倒；在新界，有人為拍草地反而壓壞野草，「好多人為咗影相好歇斯底里……總之我要影到，要呃like，要instagram，要facebook......醜陋嘅比比皆是」。

另一邊廂，見過太多人因作品獲讚賞，開始改變攝影題材迎合他人口味，Raven寄語年輕攝影師勿忘記最初熱情，「你影相係為咗取悅其他人，定紀錄你想紀錄嘅嘢？活在當下，唔好介意人哋點睇，唔好令自己後悔」。

Raven Facebook專頁：https://www.facebook.com/Raven7215/?fref=ts

Raven Instagram：http://instagram.com/night_raven