不少人愛行年宵感受新年的歡樂氣氛，但有女網民行年宵卻遇上不快經歷，她見花墟年宵攤檔的賀年糕點價錢相宜，於是買回家品嚐，卻發現其中一盒黑芝麻糯米糍，其中一件滿佈白絲疑似已發霉，她嬲到放上網公審提醒大家不要中伏。不少網民留言，「好彩你無即場打開食，個場咁黑一定睇唔到霉」、「你還是全扔咗佢，一件發霉，其他都會，臨近新年期間，好多私家醫生放假，唔好博！」。

年宵買到發霉糯米糍

有女網民在Threads上發相，大呻在年宵買東西中伏，她見有攤檔的賀年糕點100元任選5盒十分抵買，於是買了黑芝麻糯米糍回家，可是當時她指天黑看不清楚，回家才發現其中一盒糯米糍的黑芝麻上面發白，滿佈霉菌，「都唔知擺咗幾多日先至擺到發霉，個檔係街頭嘅，除咗糯米糍仲有其他糕點新年小食賣」，勸大家小心不要中伏。

網民：全部都不要吃

帖文引來不少網民留言，「好彩你睇到，如果係我可能以為係糖絲特別版食咗落肚」、「Crossover龍鬚糖嚟嘅啫」、「好彩你無即場打開食，個場咁黑一定睇唔到霉」、「一嚿發霉，應該全部都唔使食」、「慘！不能食了」。

（Threads@caorzrly）