港男母親節見家長 送喱士絲質睡衣裙給伯母 世伯激動到1句KO

撰文:安祖娜
出版:更新:

母親節剛過去,相信各位孝順仔女也為媽媽送上禮物以答謝養育之恩,不過並非所有禮物也適合送給長輩,尤其是另一半的父母!有港女於討論區發文,講述從外國回流的男友精心挑選了母親節禮物給其媽媽,沒料晚飯當日媽媽一拆開便驚見絲質睡衣長裙,爸爸看到更激動直呼「根本就係底衫褲」,令氣氛頓時墮至冰點。

有港女發文稱,男友竟於母親節送上絲質睡衣予其媽媽,令爸爸看到後非常激動,晚飯氣氛變得極為尷尬。(《夫妻的世界》劇照)

下載「香港01」App ,即睇城中熱話

「男朋友送咗套內衣畀我阿媽做母親節禮物,話係貼心嘅禮物……」該名港女於香港討論區發文,稱母親節當日帶了男友回家晚飯,沒料對方精心準備的禮物卻落得尷尬收場。樓主指男友自中學起便到外國讀書,至大學畢業才回流協助打理家族生意,由於兩老不多時間與他相處,「原本都唔係太喜歡佢」,但日子久了也漸漸習慣。

早前男友興奮向樓主表示,已精心挑選了母親節禮物,打算於晚飯時送給未來外母。當時樓主亦不以為然,「話搵咗好耐終於搵到,我見佢咁開心,又係外國大,呢啲人情世故都唔會少啦,所以就冇問佢買咗乜,我自己都留返個驚喜」。

+11

樓主指男友帶了大紙盒上門,「我仲以為係乜名牌袋,心諗佢出手咁大方,到時我要送返啲乜畀佢媽媽」。當樓主媽媽打算拆禮物時,才發現有驚無喜。原來禮物是一套縫有蕾絲的絲質長裙,「我阿媽立即問佢有冇拎錯嘢,係乜嚟」。男友見狀則施施然解釋,指長裙「可以當睡衣着,又可以當內衣着,如果襯得好可以出街着,仲話好多外國明星都會咁着出街」。

樓主爸爸聞言一看禮物,未待男友解釋完便激動高呼:「呢套根本就係底衫褲!」事件令氣氛頓時變得極為尷尬,樓主與媽媽即時打圓場,完成晚飯後她亦直言「唔好意思留男朋友喺度」,遂急急將他帶走。她事後亦不禁大嘆:「佢阿媽就咁保守,佢自己反而就咁open,呢家人發生乜事?」

樓主直指晚飯後不願面對尷尬氣氛,只好急急帶男友離開。(《優雅的朋友們》劇照)

帖文笑翻網民,不少人也認為事件並非在於男友是否開放,而是直接反映他毫無「求生慾」,「唔係開放定保守問題,而係正常定白痴嘅分別」、「明星着咪好睇,師奶着就…」、「又真係老尷嘅」。亦有人笑言樓主男友或有企圖,「唯一解釋係男友鍾意咗女友阿媽?」、「佢好大野心,想母女兼得」,又質疑爸爸如此激動或許並非表示不滿,「世伯:底衫褲!正呀!」。

同場加映:母親節禮物丨阿媽要2萬現金 港男稱經濟差僅食飯慶祝被爆粗大罵

+8

同場加映:母親節禮物丨老豆要求「買個Staycation」 孝順仔猶豫應否解釋

+8

同場加映:港媽分享子女駁嘴金句 頂心杉句句嘔血:冇我你又點會有母親節

網民分享的子女駁嘴金句,點擊下圖放大閱讀!▼ ▼ ▼

+21
發表評論...