「攜帶榴槤者不得用升降機」 大廈告示惹熱議 網民爆笑奇招應對

撰文:安祖娜
出版:更新:

踏入5月,不少熱帶水果也開始當造,而有「果王」之稱的榴槤更是不少人的心頭好。不過榴槤氣味濃烈而獨特,愛者聞到流口水、惡者則認為臭到想嘔,近日網上就熱傳1張大廈告示,指有大廈管理處貼出告示,寫明「攜帶榴槤者不得使用升降機」,即時引起網民熱議。

下載「香港01」App,即睇城中熱話

有網民早前於facebook群組「PLAY HARD 玩硬」貼出圖片,顯示相信屬大角咀一幢大廈電梯大堂拍攝的相片。當中可見大堂的電梯按鈕旁邊貼有2張由管理處發出的告示,列明「攜帶榴槤者不得用升降機」,但拍攝者卻手持3個放有榴槤的透明膠盒,配上「點算好……」的留言,諷刺畫面令網民即時爆笑。

榴槤有「果王」稱號,但因氣味濃烈而獨特,並非人人也能接受。(資料圖片)

帖文引來網民熱議,不少人也認為相關要求荒謬,指現時購買榴槤一般也有防止味道外泄的包裝如膠盒或保鮮紙,認為管理處根本無權限制住客能否攜帶榴槤乘搭升降機,「咪住,管理處憑乜嘢唔畀榴槤入先?公契有冇寫?有冇開業主決定?呢個都仲係香港喎」、「又唔係喺裏面食,黐線!咁臭豆腐呢?鹹魚呢?成身臭汗味嗰啲人呢?」。

亦有網民發揮創意,想出爆笑應對方法,務求令管理處「知難而退」,「叫屋企人拎埋枱櫈落嚟大堂一齊食完先上樓」、「先將盒榴槤放入升降機,等佢自己升上去,叫屋企人喺上面接收,完成後自己搭下一班𨋢上去」、「反主為客,被榴槤攜帶」、「榴槤先放地下,輕腳踢入架𨋢入面,人入𨋢禁𨋢,上到去返出去再執返起,咁就唔算攜帶了」。

+3

【揀榴槤貼士】厚肉薄殼必睇榴槤刺 「貓山皇」認住底部星標誌

+18
請在《香港01》手機App把「熱爆話題」加入自選,緊貼全球各地最hit話題!(01製圖)

同場加映:疫情累滯銷 泰果商請爆肌猛男除衫賣榴槤 網民諗起大馬周杰倫

泰國有果商請來兩名猛男除衫賣榴槤,引來網上熱議。(fb圖片)
+1
2015年時,一名馬來西亞男子爆肌賣榴槤爆紅,而且樣子激似周杰倫。(「Jordan Yeoh」fb圖片)
+6

同場加映:榴槤核驚見蟲蟲鑽出 手指尾咁大嚇親網民:唔敢再食!

有網民昨日在元朗一間連鎖超市買榴槤,回家享用時卻發現有蟲鑽出。(fb「今晚煮乜好」)