Hello!超市遇男童狂打招呼 港男無奈停回應 竟遭他爸斥無禮

撰文:卡洛兒
出版:更新:

「Hello!Hello!」禮多人不怪,但不斷重覆又重覆,總容易令人感煩厭吧?有網民表示日前在超市排隊等候結帳期間,排前面1名手抱男童多次向他「Say Hello」,起初他都有禮貌地回應,但男童半小時內不斷說「Hello」,令他不勝其煩,後來決定不再回應。沒料離開時,男童父親竟1句斥責他無禮貌,甚至在停車場內駕車逆線駛至樓主車前急停,險釀成車禍,令樓主非常無奈。

有網民表示在超市排隊等候結帳期間,排前面1名手抱男童多次「Say Hello」,起初他都有禮貌回應,但男童半小時內不斷說「Hello」,令他不勝其煩,其後決定不再回應。(示意圖,資料圖片)

該網民投稿至Facebook專頁「生仔要考牌系列」,指日前到1間日式超市購物,收銀台結帳人龍超長,他惟有靜靜排隊等待,剛巧前面1名手抱男童跟他打招呼講「Hello」,他亦禮貌回應「Hello」,惟5分鐘後男童再打招呼,樓主同樣再次回應。

10分鐘後,男童又再打招呼,樓主開始感到厭煩,即低頭玩手機假裝聽不到,而男童見得不到回應,遂使出連番「Hello」攻勢,樓主唯有大聲表示「Hello,小朋友」,希望其家長及周圍客人都聽到他已作出回應。不料再過5分鐘,男童再度發功,「Hello,Hello,Hello……Hello咗30分鐘,佢父母係完全無阻止或勸喻」,樓主只能繼續忍耐,直到完成付款後離開。

樓主指該名手抱的小朋友向他說Hello說了30分鐘,但其父母完全沒有阻止或勸喻。示意圖。(Gettyimages)

樓主其後到停車場取車,以為「Hello」聲終於能告一段落,沒料那個家庭再度出現,「Hello」再次傳來,「我一枝箭跑去車位攞車,佢小朋友就改由hello變bye-bye」,此時男童父親突然開聲責罵,「小朋友hello又唔應,講bye-bye都唔應,使唔使咁無禮貌啊?」,令他當場呆掉,「心諗應咗你個仔幾多次呀,你個仔成部複讀機咁係咁重覆,唔係個個都要覺得咁樣係可愛㗎,知唔知係好煩㗎啫」,惟樓主仍忍住沒反駁半句。

不過,該名港爸事後駕車離開時,竟故意逆線兜圈在樓主車前急停,幸好當時車速較慢,才沒釀成意外,「但咁嘅行為真係好危險同好低EQ」,更批評港爸「車住個仔都仲做啲咁嘅嘢,係咪想害死自己個仔」。

帖文引起網上熱議,不少網民都同情樓主的遭遇,認為父母的有責任教導孩子,而事件中的港爸行為亦太過份,「教佢哋Hello一聲就算,太多就煩到人」、「 經歷過同樣情況,所以更加討厭人哋老竇老母」、「佢係咪想同個仔講bye bye?」。有網民指小朋友處於學說話時期,特別喜歡重覆詞語,提議可用另類方法解決,「你應該不停Hello 返佢,Hello到個小朋友唔敢覆你為止」、「傾第二啲嘢,問『小朋友你叫咩名呀?幾歲呀?你鐘意食咩呀?』,呢啲佢需要時間諗再慢慢講出嚟,點都好過係咁hello hello」。