西貢友違泊被抄牌 「買塊百潔布$320」 拍照公審店員不提醒惹議

撰文:卡洛兒
出版:更新:

不少駕車人士最怕搵位泊車,有時想下車買少許東西都未必容易。有西貢居民網上發文,指日前將車停泊路邊時,並入店舖購物,結果回到車上發現已被抄牌,無奈得把站在門外的店員拍下來公審,怒罵「入去幫襯佢都唔講聲抄牌」,直言「買塊百潔布$320」。但帖文一出反被網民怒批無理取鬧,「人哋睇鋪定幫你睇車?」。

該網民日前在facebook群組「西貢日報-西貢街坊(自由)討論區」發帖,上載一張於上周六(19日)早上11時許發出的「牛肉乾」,稱自己在宜春街停泊車輛,並走進一間五金店買百潔布,結果買完回來就發現座駕已被抄牌,因而怒批五金舖店員:「自私鬼,入去幫襯佢都唔講聲抄牌,買塊百潔布$320,完全不是西貢人的精神」。

帖文其後被截圖並轉發至其他FB群組,有網民批評樓主無理,「又嚟呢啲極度怨氣賴人Post」、「香港人特色:錯永遠係人地」、「喺西貢預咗啦,賴人做乜,我每次落去食野都預咗$320」;亦有人認為店員非常無辜,「鬼知部車係佢咩!又冇放張相喺車頭」、「人哋無義務幫你睇車/提你,如果佢提你只係出於好心,佢有提你嘅話,你又會識得感恩嗎?」。