AA制｜在學港女自願與男友平分拍拖使費 媽媽竟話：咁做乜要拍拖
撰文：夏洛特
出版：更新：
果然「講錢傷感情」！情侶間均真地平分使費，竟引來女方母親不滿？有女生日前發文，表示她雖然仍在求學，但平日拍拖使費也會與男友平分，而她母親知道後竟狠批男友不體諒她是學生，斥對方沒有風度、不大方，更表示男生追求女生就是要花費，直言「如果AA，做乜要拍拖」。
有港女在網上發文表示母親對於她與男友平分拍拖使費十分不滿，又批評她的男友沒有風度，不值得交往。（《社內相親》劇照）
該名女學生在Dcard以「同男友AA制之後俾呀媽話」為題發文，稱她一向主張男女平等，認為拍拖使費應與男友平分，「雖然我讀緊書，但就算唔拍拖，我都係會使錢，所以都係自己出返自己嗰份」。早前她與母親提及與男友外出遊玩時，平分了酒店費用，母親勃然大怒，批評她的男友「少少錢都計」，明知她仍在求學卻要她付錢，「覺得好冇風度囉、好小家唔大方……咁嘅男仔唔要得啊」。
樓主聞言與母親爭論，但媽媽堅持男生人工較高，應該要負擔較多，又認為男生如果習慣了AA制，之後想叫對方出錢就有困難。樓主續指，媽媽其後不斷「說教」，但樓主卻不甚認同，「佢覺得個男仔唔體諒我讀緊書，佢覺得男仔出街要畀多啲，因為男仔追女仔就係要使錢，如果AA不如唔好拍拖」。
樓主母親認為男生追求女生時，自然要花費，但就並非所有人也認同。（《社內相親》劇照）
帖文引來網民熱議，不少網民都認為交往時沒有特定性別應該要多付錢，而是應按照收入決定，「部份認同你阿媽，不過唔係男仔應該畀多啲，而係有能力嗰個應該畀多啲」、「我覺得邊個多啲錢咪畀多啲囉，能力愈大責任愈大」、「支持搵得多嗰個畀多啲」。
另有人表示明白樓主母親的想法，「正常，父母一定會覺得你蝕底」、「你男友返緊工而你返緊學，又真係勁公道咁AA，又真係有少少想撐你媽咪」；不過有人就認為最重要是樓主個人想法，「每對情侶點畀錢係佢哋嘅事啦」、「自己拍得開心咪得」。
（Dcard）