開工利市無錢得4個字 打工仔呻:得我咁慘? 網民:公司唔派添

撰文:李納德
出版:更新:

開工要大吉大利一是要有一封開工利市,單純「講心」是否足夠?有打工仔日前在網上大呻,指收到公司開工利市,發現裏面竟然沒錢,只有「工作順利」4個大字,笑問 :「係咪得我咁慘?」有網民認為開工利市好好睇睇都應該有20元,「冇錢工作點會順利」,但也有人同樣收過沒錢的利市,認為可能與信仰有關。

打工仔拆開公司利市,發現無錢只得「工作順利」4個字。(《愛回家之開心速遞》劇照)

公司新年派開工利市取個好意頭,但打工仔投稿到facebook群組「奴工處」,指收到公司利市發現裏面沒有錢,只有「工作順利」這4字祝福,笑問:「想知係咪得我咁慘?」

有網民揶揄開工利市不包錢太小氣,「開公利市最少錢係20蚊,最多嗰次係1,000蚊」、「咁我祝你好運」、「比返封利市佢,我唔撈啦」。但原來收到無錢利市的絕不單止樓主,「公司連利市都唔派添」、「好多年前做過1間,入面得張紅紙寫住平安喜樂」。

網民指開工利市最多收過1,000元。(《愛回家之開心速遞》劇照)

有網民指利市包不包錢也許與信仰有關,「我試過收到同事利市入面係神愛世人嘅福音卡」,有信仰同事基於不迷信不會封現金,而是以現金券代替,「但係人哋畀佢哋仔女嘅,佢哋全部都照收」。

(facebook群組「奴工處」)