超肥壁虎！家居驚現重磅檐蛇　網民睇四腳蛇笑爆：腳趾肥嘟嘟！

屋企出現不明生物，感到驚慌失措是人之常情，但仔細一看，原來只是不少人家中的「常客」？有網民早前在家中發現1隻「四腳爬爬」，不禁驚呼「咁大隻，呢隻咩嚟？」，拍下照片並上傳至社交平台求教。一眾網民看到照片後紛紛爆笑，原來樓主家中牆壁上的只是體形相對肥胖的檐蛇（又稱「壁虎」），笑言「BMI超標！」、「真係好食好住」。

樓主日前在facebook群組「香港滅蟲關注組」上分享照片，相中看到1隻爬蟲類生物在牆壁上，他在文中驚呼「突然見到，咁大隻，呢隻咩嚟？」，向其他網民求教。

帖文一出引來大批網民爆笑，不少人驚訝樓主竟然認不出「鼎鼎大名」的檐蛇，細看照片更直指該檐蛇「福態盡現」，留言嘲諷「壁虎尾巴係用來儲存脂肪能量，睇嚟佢都食過唔少嘢」、「點解咁肥大」、「肥大到好似塑膠玩具」、「有做Gym」、「我屋企嗰隻都好大隻，腳趾肥嘟嘟」。

亦有人指出檐蛇為益蟲，可幫忙吃掉蚊蟲，故開玩笑指樓主家中未免提供太多糧食，「聽講間屋有福氣，四腳蛇會淺色同肥美」、「有福氣先可以養到咁肥」。