【母親節】照顧言語遲緩子 好媽媽:依家至知阿媽真係超勁

撰文:
最後更新日期:

「世上只有媽媽好」這句話從小聽得多,但當自己生兒育女、加入母親行列,更能領悟到箇中真締。

陸太兒子語言發展遲緩,相對一般家長,煩惱自然更多,但她一直笑着面對:「未生之前真係唔覺嘅,自己有咗小朋友之後真係......母親幾偉大!」

陸太指成為人母後,更覺母親偉大。(周詠雯攝)

放學到公園玩,丞彥最為高興。(周詠雯攝)

「我都覺得我呀媽好勁囉!」陸太三年前誕下兒子丞彥,但丞彥遲遲不開口說話。歲半時被診斷為語言發展遲緩,陸太引述治療師指,「佢(丞彥)其實有音、有口形,但唔肯講」。陸太憶述那段丞彥未懂說話的日子最難捱,「(丞彥)聽得明講咩但未識講嘢,成日喊、碌地,情緒好大起跌」。那段時間,陸太回家看見丞彥,不禁問自己一句:「想點呀?」

報讀幼稚園 多次食「閉門羹」

香港家長總想子女「贏在起跑線」,丞彥正正於起跑線大落後,陸太自然心急、煩惱。去年到幼稚園面試入讀N班時,2歲的丞彥仍未懂說話,走遍五、六間幼稚園,換來一次又一次「申請人數眾多,不獲取錄」結果,幸得扶康會願意取錄丞彥,讓丞彥在尋得N班學位之前,先行修讀短期課程。

「嗰時開始驚喇,我話死啦,連唔識講嘢都唔收,我可以點呀?」幸好上天在密封的屋子裏,開啟了一扇窗。家住長沙灣的丞彥,最終兜兜轉轉,獲葵盛一間幼稚園錄取,陸太才放下心頭大石。

丞彥每天要由長沙灣乘車到葵盛上學。(周詠雯攝)

最開心兒子懂叫爸媽

轉眼丞彥已三歲,先後入讀扶康會課程及幼稚園N班,由昔日不懂開聲,至現在牙牙學語,陸太期待已久一幕終於出現,「最開心咪就係識得嗌爸、嗌媽,識得叫,最開心囉!」回顧過去三年,陸太只慶幸兒子只有語言發展障礙,「如果佢真係有其中一範(如過度活躍症或自閉症等),就更加頭痛」,形容「知道無呢啲問題之後就放心哂!」

雖然言語發展遲緩,但在扭計、搗亂方面,丞彥表現非常突出。「屋企啲嘢擺高,佢夾硬要爬上去攞,最驚佢向後跌撼到個頭」、「食極都唔吸收」、「太心急就好忟,去街又想快啲返屋企」陸太形容,兒子不同歲數就有不同事情要擔心,估計丞彥升讀小學後情況會好轉,正如俗語說:「養兒一百歲,長憂九十九。」

談到升學,兒子過兩年便要再覓小學學位,陸感嘆:「我而家都驚㗎,我由始至終都無要求佢讀啲咩名校,或者有名氣嗰啲。」她希望丞彥未來成功入讀住處附近的小學,讓兒子上學不需再舟車勞頓。

丞彥去年聖誕節和朋友一起寫聖誕卡予世界各地聖誕老人,今年二月終得回信。(周詠雯攝)

成為人母 更知母親偉大

成為人母,才徹徹底底明暸母親當年的辛勞。陸太感慨:「有時突然間望住呀仔,先覺得,呀媽你真係好偉大!」回憶當年母親「一個湊住四個」,起居飲食一手包辦,「所以我都係覺得我呀媽嗰時真係……超勁!」

陸太希望丞彥「唔好再咁無耐性,唔好再反叛」。

一年一度母親節又到,丞彥年紀尚幼,未能送上甚麼母親節禮物,陸太但願丞彥今年「唔好再咁無耐性,唔好再反叛」。至於自己,陸太眼神堅定,「早排我自己病咗,都覺得好辛苦……自己一定唔可以跌低!」望著在遊樂場遊玩的丞彥,無論未來是晴是雨,陸太亦繼續在照顧兒子的偉大航道上,與丞彥並肩前行。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。