公屋│排隊4年首派屯門業旺邨全新2人單位　網民列3優點好羨慕

輪候公屋等派單位，需要耐性與運氣！有網民近日分享好消息，表示收信後得悉獲派屯門全新屋邨，不過卻感到猶豫：「到底要唔要好？」不少網民紛紛留言，指出新屋邨有3大優點，「排4年有得上樓，畀我就要啦」。

該網民於公屋討論區分享好消息，稱收到房署的信，並得悉自己被獲派屯門近期新屋邨之一的業旺邨的2人單位。不過屋邨仍未建成，而樓主卻猶豫「到底要唔要好」。

不少網民紛紛留言表示感到羨慕，「排4年真係快」、「你是好幸運的，有屋梗係要啦」、「排市區嘅我等咗7年啦，你真係好彩」。亦有網民指出業旺邨鄰近有巴士站及街市，環境算是清幽，而且將來會有屯門南鐵路站，交通配套完善，「畀我就要啦」、「屯門新屋邨都畀你抽到，唔係唔要呀」。

（公屋討論區）