【米芝蓮小食】肥仔傳承公公滷味精髓

撰文:
最後更新日期:

呢個世代年輕一輩都恨做老闆,唔洗睇人面色同受氣,但背後嘅艱辛又有邊個體會到?肥仔就話:「如果有得揀,我寧願打工!」嘩,佢係邊個?呢位賣港式滷味嘅,就係「第三代肥仔小食店」嘅老闆。

立即下載e肚仔 食盡米芝蓮推介滋味

凍櫃擺滿一串串色澤鮮艷嘅生腸、墨魚、雞腎,感覺有啲似曾相識喎!原來佢係幾乎人人都食過嘅「旺角肥姐」店主個仔,肥仔細細個就跟住媽媽擺檔,早就識得煮內臟,調醬料同入貨呢啲大小二事,盡得公公傳授嘅滷味秘笈,兩年前終於自己創業,不過唔想靠媽媽嘅名氣,強調呢間並唔係肥姐嘅分店。

成功做到老闆,喺肥仔眼中唔係一件可喜可賀嘅事,每日開工一做就做13-14個鐘,為咗生計同租金開支,絕對無休息嘅理由,不過憑住佢嘅努力,名氣一啲都唔輸蝕畀「旺角肥姐」,今年成功入選為「米芝蓮地道小食推介」,贏得街坊口碑,唔少熟客仲每日都會風雨不改嚟幫襯,成為肥仔堅持嘅原因!

做得米芝蓮推介嘅街頭小食,味道同食物質素一定有保證。熟客推介叫大皇牌套餐,可以一次試晒3款至人氣組合-大墨魚+大生腸+火雞腎,生腸咬落非常爽脆,墨魚肉夠厚身,滷水入味~其實事前嘅準備工夫唔簡單,只係清洗生腸同內臟都要用足1個鐘,鹵水每日用新鮮香料煲,再用多個小時將內臟煲到有濃濃鹵水香!

圖片來源:網絡

第三代肥仔小食店

尖沙咀厚福街3號華博商業大廈G1地舖

(立即下載e肚仔)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。