【我不怕唱歌】紋身大漢勁柔情 Supper Moment:佢真係好大隻!

撰文:
最後更新日期:

Sunny@Supper Moment:憑佢廣闊嘅胸膛,壯闊嘅臂彎就知係佢!

阿達@Supper Moment:個紋身呀!

烙印@SiS樂印姊妹:聽聲都Feel到有鬚根!

憑著粗獷的外表,似乎這位歌手成功打入不少人的印象當中。但撇除健碩的身型後,原來他的內在卻是粗中帶細,頗有音樂才華,到底他是誰?

Make Up:Janice Chan

Hair:kel@HH

攝影:梁碧玲 彭嘉彬

剪接:許栢倫

今集《我不怕唱歌》帶嚟嘅男歌手,其實係演員出身,更曾經喺TVB浸淫多年,外表經常比人覺得係花花公子嘅佢,做戲你就可能見得多,但係唱歌你就未必認真聽過。今次唔睇樣,齋聽聲,一開口你又認唔認得佢?

比住半邊面你睇先,你認到未?

2005年喺加拿大回流香港後,返到嚟第一件事原來唔係加入TVB,而係參加《2006年英皇新秀歌唱大賽》,更加打入最後五強。在電視台擔當演員多年,2012年終於有機會跳出電視框,參與電影《喜愛夜蒲2》,令他人氣急升之餘,更得到著名經理人黃柏高的賞識,簽約太陽娛樂文化,一圓歌手夢。這位咬緊牙關終於等到出頭天的男子漢,便是沈震軒。

估唔到除咗演戲叻,沈震軒仲識自彈自唱。

用行動證明自己

闊別香港樂壇兩年,最近沈震軒再次推出新歌《打不死》,比起以前《喜愛夜蒲2》、《親愛的》那種玩世不恭的花花公子形象,今次《打不死》的內容及MV也明顯增添了一份男人的成熟味道。Sammy表示:「今次份詞係寫緊我自己,大家可能經常喺一啲新聞、緋聞當中對我嘅印象定咗型。但我由細到大處事嘅方式都係少說話多做事,所以決定用沉默去回應呢啲事情。不過原來有啲嘢好得意,我發現當我越沉默越唔講,人哋就會覺得『咦?即係你默認你係咁?』,作為一個演員,我其實唔會介意我嘅角色會係點。不過今次就想用呢首歌,去話比大家聽真正嘅我係點。」

「沈默是金」是Sammy的信條,憑事也靠行動去證明。

+2
如果一向有留意沈震軒的音樂作品,便會知道其實他不是「得個樣」,而是唱歌結他鋼琴樣樣都識。

「男人」的定義

今次《打不死》不多不少也是Sammy心目中對「男人」的理解,他認為:「男人喺逆境當中唔洗講太多嘢,咬緊牙關繼續去打就啱。我覺得林若寧喺歌詞當中寫得好好『男人即使再壞 在台上硬橋硬馬 寧願輸得漂亮 在台下做場神話』,佢寫中咗我嘅態度就係咁。男人講太多就好婆媽,講可以講到好勁,講到天花龍鳳,但到最後都係要做出嚟先得,所以我覺得男人最型嘅一刻,就係佢好專心做一件事,然後得到生命中最重要嘅人認同,好似《打不死》MV入面,個女同爸爸講『你係我嘅英雄』,嗰下就最型啦。」

演唱張敬軒《我的天》時,Sammy太專注在歌曲當中,結果忍唔住喊咗出嚟。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。