【我不怕唱歌】經典偶像組合原來識唱歌 周柏豪驚訝:新人嚟?

撰文:
最後更新日期:

周柏豪:吳業坤?

C君:個樣遮到咁點估呀?

J.Arie:一睇頭髮就認得!

除左鄭伊健,仲有邊個一睇頭髮係認得?

攝影:梁碧玲 許栢倫

每個時代都會有唔同偶像,《我不怕唱歌》今次找來昔日的偶像組合,他們紅到你們未必想像得到,粉絲誇張程度不下於現在追韓星。「我們當年做商場騷都係逼爆,唔止一次,每一次做完騷有十幾廿架車跟住你去走!」他們由出道起已經充滿話題性,成員們對跳舞﹑快歌都充滿熱誠,其中一個對音樂更非常執著。

由於今次嘉賓揀了周柏豪的《我的宣言》,因此特地找來柏豪猜猜他們是誰,柏豪一開口就估吳業坤,更問是不是新人,看來完全無頭緒,C君則表示唱得幾好聽,J.Arie看片段一直在找尋破綻,結果,最後看到其中一位成員的頭髮後,無論柏豪﹑C君和J.Arie都估中今集嘉賓,J.Arie坦言一睇個咀同個頭就認得,究竟邊個咁易認?

到底係邊隊組合,揀選了《我的宣言》呢?

開估喇,佢地就係E-Kids!今次專程找來其中兩位成員,Tommy和Alan,因為三個缺一個的關係,增加難度。其實E-kids2002年出道時,的確帶來一番新氣象,因為其印象突出,自然成為談論對象,可是他們的音樂作品其實幾好聽,《初哥》﹑《開始戀愛》﹑《青春火花》等等,都深受年青人歡迎。今次Tommy和Alan揀選了三首作品,分別是周柏豪的《我的宣言》﹑《有心人》以及成名作《開始戀愛》。

Alan坦言:「我女朋友好鍾意呢首歌,之前佢聽呢首歌冇感覺,係突然間話好愛呢首歌,連唱既係邊個都唔知,咁岩有呢個活動,於是揀呢首歌。」Tommy補充:「我覺得今年自己係有些不同的,其實我哥哥早兩年結婚,佢無情情在台上唱呢首歌畀太太,於是返去搵返來聽,好好聽喎,其他歌手的歌少機會唱,一路幾鍾意呢首歌,但唔係好熟。」

問到Alan求婚未,他不諱言:「求左婚了!」Tommy回應道:「我都唔知喎,真係呢下第一次知!」Alan又一句:「見你們咁快…」Tommy鬼馬答道:「你又知我快?出名就咩架麻!」Alan終於回到正題:「我知道好多人以為我(未婚妻)有咗,我只係有咗啲諗法,2個兄弟都咁開心,覺得係時候要穩定些。」

經歷咗咁多,兩人非常好兄弟,仲有型咗添!
+5
+4
+3

實力派偶像?

如果冇現場睇過E-Kids的演出,或許你會認為他們只愛「耍帥」,沒有什麼實力可言,不過你諗起E-Kids,少不免會有音樂在耳邊響起,因為歌曲其實歌曲都幾入腦,唔少歌都係Tommy創作,他坦言:「都冇辦法,我盡咗力去做,但大家睇到另一面,呢兩三年會好啲,有網絡平台自己講到自己想講既野。媒體唔會同你講好嘢,唔知係咪形象問題,傳統媒體都唔受關注。總之我哋想講音樂都冇人理。我第一首歌叫《私人時段》,我搵晒full band幫我做demo,再拎去做幾日,做到(編曲)陳光榮病咗,我哋好認真,但其他人反而關注我哋3個金毛,Tim仲要自己排舞。」

其實E-kids一直被外間取笑,究竟佢地最介意係啲乜?下回分解。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。