【一首歌】「畢生也願記起 香港迪士尼」 難忘Kellyjackie名曲
撰文：黃浩晉
出版：更新：
「畢生也願記起 香港迪士尼 煙火璀璨夜晚定會很美」就咁睇呢一句，相信各位8、90後即刻可以自動波唱埋落去啦！唔理你扮後生，定係真．後生，都同你介紹番，呢首就係Kellyjackie嘅名曲《他約我去迪士尼》。
相信不少女生細個時都會唱過，亦會代入其中，而且歌詞亦充滿畫面，猶如逐步逐步帶你遊覽主題公園，又有煙花夜景，又有各式遊戲，又提到公主、白雪、阿拉丁，簡直就係將你帶返去兒時經常嚮往嘅童話世界。
不過人都係要長大嘅，Kellyjackie依家都轉型，現時最常見佢就係《警訊》做主持；聽完歌之後，各後都係從童話世界抽離，早啲瞓，聽日準時返工啦！