2006年出道的陳柏宇，初出道已經成為公認的實力派歌手，成為當年的新人王，後來幾年都只是默默做歌，直至出道十年，才被稱為樂壇隱世高手，因為他真的夠晒低調。相比之下，他對戀愛卻來得高調，除了大方公開承認與Leanne的戀情外，由宣佈結婚後一直到成家立室，都絕不害羞，與人分享戀愛的點滴，音樂上，陳柏宇除了有虐心的情歌外，其實不時推出Sweet歌，特別是今次介紹的呢首《永久保存》。
2006年推出的《永久保存》，屬於Jason的首支派台冠軍歌，亦是一首廣告歌，由馮曦妤填詞，陳光榮作曲。歌曲 好有馮曦妤的陽光味，講述愛情的「保鮮期」，其中一句「已共你一年，記憶亦同樣新鮮」來得珍貴，因為一段感情總會隨時間而變淡，但如果記憶仍然新鮮，亦證明戀愛得到保鮮。
「在回味每種感覺加倍念記/嘴裡那份甜味/得你不捨不棄/我的眼中只有你/今世不靠運氣/只靠在患難亦撐我的你」這幾句更顯得主角有如此地珍重這份感情，不用靠運氣，只有在乎你。
由導演火火、吳若希（Jinny ）及曾展望（GM）三位谷主主持，TVB Plus（82台）全新直播一小時節目《奇情谷》，日前以「娛圈爆料 名媛班」作主題，「奇情嘉賓」資深造型師陳灝而（Janae）在娛圈打滾多年，見證不少藝人跟造型師拍拖引起熱議，更有男歌手上水回應。
她透露多年前身邊有位17、18歲靚女小助手，替一位差不多年紀男偶像歌手做化妝，她說︰「嗰時個男仔已經好出名，好多女仔鍾意。當時我已經同佢講，唔好打我小助手主意喎，人哋黃花閨女嚟㗎，可能我講咗呢句話先仲衰。」
接住便發現二人開始眉來眼去，再過一段日子小助手經常以淚洗面，同男歌手補補吓粉都喊，三位主持聽完都話「出事嘞」，經驗豐富的Janae就指事後得知佢地「搞咗」便知出事，Janae無奈指︰「最後小助手辭職無做，好可惜。」自此之後Janae明令以後跟男藝人的化妝師，必須要30歲以上，已婚生仔獲優先考慮。
至於男歌手身份Janae俾出幾個提示－出名花弗，但到佢冇做歌手外界先發現；好多女fans；而家四十幾歲。令大家議論紛紛，相隔一日，現年41歲已婚育有兩女的陳柏宇，忽然轉載報導笑稱：「咁俾面呀😆」網民紛紛爆笑指：「仲成日見到佢攬女(兒)😂😂」、「重唔係你haha 你個蘭桂芳⋯⋯Sorry喜愛夜蒲look上腦haha」、「 一定糸你，屋企已經三條女。」