側田錄新歌《450蚊》 搵肥媽大玩FreeStyle
撰文：黃浩晉
出版：更新：
側田早前亮相內地節目後，人氣再次急升，大家再次記起香港曾有一位實力唱將，而且側田以往的作品，都唱出不少人的心聲，例如：《好人》、《Kong》、《男人KTV》、《命硬》等等。側田即將舉行巡迴演唱會，而且十二月會再開紅館騷，早前《幸福止痛》、《Heads Up Phones Down》等派台歌都有好成績。側田未停下腳步，一路忙於製作新歌，最新作品《450蚊》更邀請到肥媽Maria Cordero作Featuring。
側田有晚去酒吧jam歌就搵到靈感寫新歌《450蚊》。
新歌《450蚊》是一首比較Up beat，充滿Funk味道的歌曲，側田表示自己「玩玩下」完成了這首歌：「有一晚在唱live的酒吧jam歌，玩玩下就jam了一句『450蚊Lets go have some fun』，其實唱了很多次，想試下到錄音室錄，本來rap的部分是自己唱，但諗諗下覺得需要一把女聲，一諗就諗到了肥媽，肥媽來到錄音室，大家都是即興發揮。」除此之外，側田在歌曲加入rap的部份，順應現時「你有freestyle嗎？」的潮流，他又表示份沒有限制肥媽的rap，肥媽先聽demo，然後想唱什麼就唱什麼。
側田同肥媽jam出好多火花。
肥媽風格一向「玩得起」，錄音時聽到側田一句：「我以前校際㗎！」肥媽突然爆肚「校際乜呀？朗誦呀？我以前係處女呀！而家唔係吖嘛！short short地！」頓時炒熱錄音室的氣氛。肥媽語出驚人，真係要shout out肥媽！