李克勤10號風球堅持錄新歌 遇空中飛「窗」：好彩冇中我地架車！
撰文：許栢倫
出版：更新：
克勤都幾勤力，10號風球都把握時間錄歌。
天鴿為香港帶來10號波，但原來都有唔少歌手藝人仍然開工，李克勤今朝在IG貼出一段與Alex Fung的片段，並寫道：「今朝老婆和大小老闆問我是否一定要10號風球開工」，並在hashTag講了心聲「我都想在家休息一天」，可是演唱會在即，時間可以話買少見少，結果十號風球下，錄了新歌《龍鬚糖》。
打風需要留在安全地方，可是克勤前往錄音室途中，都發生驚險事，他憶述：「架車去到中環，唔知邊度有個窗飛左落街，好彩冇中我地架車，一地玻璃碎，架車都吹到左搖右擺咁。」
今次演唱會，克勤準備充足，操到好Fit。
+2
克勤咁急為新歌錄音，其實都係源於演唱會令時間太緊迫，日前他與太太盧淑儀，孖住黃偉文一齊去東京為演唱會揀衫，基本上全程都係黃偉文話去邊就去邊，自己只係乖乖交出身體，配合試身就可以，仲畀當地服務員大讚「nice body」，令克勤都有點兒輕飄飄，不過他笑言：「鎖骨以下都唔會露，咁操個nice body都唔係為露嘅，為自己體力好啲，身體健康，可以做好個演唱會。」
今次演唱會為了慶祝李克勤成立30周年，演唱會更發行限量郵票﹑t-shirt及環保袋等紀念品，仲設埋小童裝，克勤話：「次次開演唱會，件衫大細老闆都想有件一樣，今次公司做咗親子裝，咁我有佢地又有一齊著，我估佢地會好開心！」
李克勤今次演唱會操Fit咗！