李克勤入行30年仍想追夢 黃偉文:四大天王應該改做五大

撰文:
最後更新日期:

李克勤《慶祝成立30周年》演唱會昨晚紅館舉行頭場,慶祝克勤入行30周年,當然有重量級嘉賓撐場,鄭秀文(Sammi)以全身淡藍色「波子汽水Look」登場,更唱出《終身美麗》送給克勤及太太。克勤於台上表示,自己開過100場紅館騷都未試過碰到舞台未能預期搭好,導致未能完整地綵排的問題,不過他在台上自信表示:「台上呢個歌手好有經驗,30年喎!冇排過都有個譜嘅,大家估唔到先好玩㗎嘛!」

克勤表示今次演唱會的舞台未能預期搭好,不過他仍落力表演,更突破自己吊威也。 (黃浩晉攝)

+18
+18
+18

除了重量級嘉賓,克勤於演唱會作出多樣突破,又吊威也又有連場勁舞;克勤亦非常感性講到上年「轉會」一事:「我作出咗人生一個非常之大嘅決定,一個同我並肩作戰咗30年嘅團隊,我離開咗佢哋,呢個係非常難做嘅決定,係包含咗好多唔捨得、好多眼淚、好多團隊嘅情義、好多無言感激!」

克勤繼續有感而發:「我覺得人生喺唔同嘅階段係應該去追尋夢想,同埋接受挑戰!我想同在座好多同我差唔多年紀嘅朋友講,乜嘢年紀都好,都應該追尋自己嘅夢想,因為如果你冇夢想,你就係一條粉腸!自己諗吓!」此話一出隨即全場掌聲歡呼聲四起。

克勤除了感謝過去的戰友外,更大爆金句:「如果你冇夢想,你就係一條粉腸!」(黃浩晉攝)

演唱會間場播出克勤圈中好友為他打氣的片段,有劉德華、周慧敏、鄭秀文、黃偉文等等,黃偉文更用「勤」字搞gag:「有啲人會咩口咩面,你可以叫佢做『西勤』!」不過之後黃偉文正經起來,稱讚克勤應該是香港樂壇的天王之一,當年改「四大天王」人應該改「五、六大天王」。

黃偉文亦有到場支持。他在片段中更稱克勤應該是「五大天王」之一。(黃浩晉攝)

因舞台搭建問題,開騷前克勤未能完整綵排,正式開騷時見他多次用手勢與音樂總監何秉舜溝通;幸好克勤與現場樂隊都是有經驗的音樂人,整個演出順利。與新團隊首次合作,而且未曾綵排都能演出順利,難怪克勤在台上不時流露出滿意的笑容。Enore部份克勤唱出《月半小夜曲》、《我不會唱歌》、《紙牌屋》、《愛不釋手》等經典金曲,紅館騷頭場於晚上11時30分圓滿結束。

雖然克勤同音樂團隊冇完整綵排過,不過演出過程相當順利,佢唔講都應該冇人發覺。(黃浩晉攝)

到後台接受訪問時,克勤提到前晚打點一切後凌晨五時才回家兼且失眠,昨日早上又要應付綵排,的確搏到盡。雖然辛苦,但克勤都仲識講笑,講到吊威也:「第一次俾人吊高囉!個感覺係爽嘅!我排嗰時係咁轉到嘔呀!」克勤又講到演唱會途中突然聲沙,是因為抽筋所致,不過仍然堅持是為了證明:「幾十歲都仲可以有進步空間」!

克勤在後台接受訪問時,大爆自己試過排到嘔,唱到中途又聲沙,不過見佢咁精神就知冇事啦!(黃浩晉攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。