江若琳演唱會勁放閃 尾場同男友好恩愛:無諗過佢會突然錫我

撰文:
最後更新日期:

一連兩晚的《我只不過是江若琳演唱會》2017,昨晚已是尾聲。江若琳(Elanne)在她「失面復得」的演唱會又唱又跳非常賣力,而且她在演唱會中更強調會珍惜每一次唱歌的機會。Elanne在尾場的演唱會中更請來她的偶像兼女神周慧敏(Vivian)作表演嘉賓,而且Vivian更唱出她的經典作品《孤單的心痛》。令現場歌迷不停尖叫。唱罷《孤單的心痛》後,Vivian更搞笑向Elanne催婚:「十周年演唱會咁重要嘅日子我緊係要嚟啦。唔知幾時再有重要嘅日子要我出現呢?」又話如果有喜事,要改口叫Elanne做「生煎包皇子妃」。Elanne笑笑口回答:「周慧敏姐姐突然語出驚人!」Vivian又謂:「最緊要幸福快樂。」

周慧敏為江若琳擔任演唱會尾場嘉賓。(攝:張浩維)

除了周慧敏,Elanne也有不少好友到場支持。
+6
+5
+4

今次開騷Elanne有很多內心說話與歌迷互動,她提到過去幾年感受很深,因為她認識到那些才是她真正的朋友:「朋友唔係必然,因為我經歷太多。我好珍惜過去幾年嘅起起跌跌,我以為會有人雪中送炭,但換嚟嘅係『唔好意思,我同江若琳唔係好熟,你問番佢本人啦。』個啲我見到佢只會hi,然後bye。」不過她也不忙答謝一班與她同期出道的人,因為他們才是真正的好朋友,好兄弟,接著Elanne唱出《07年之歌》。《07年之歌》是首集合與她同期出道的歌手的代表作medley,首首都是耳熟能詳的作品。當Elanne唱出時,也有不少歌迷跟著唱。

一連兩晚的《我只不過是江若琳演唱會》2017昨晚已到尾聲。(攝:周慧敏)

江若琳與男朋友Oscar大跳辣身舞。(攝:張浩維)

雖說今次演唱會《我只不過是江若琳演唱會》是以與老朋友開party為主題,而Elanne也多番表示自己並不是歌手「我只不過是江若琳」。但不經不覺,由party為主題,變成了放閃。當Elanne唱出《One & Only》時,她更與男朋友蕭潤邦(Oscar)跳舞,而且仲有不少親密場面。

Elanne與Oscar在台上高調哂愛。(攝:張浩維)

每次提起男友江若琳總會甜笑。(攝:張浩維)

Elanne接受訪問時,問到她曾多次表示不會找男友Oscar到台上表演,但結果在台上大跳辣身舞,Elanne表示:「其實係開騷前一星期先決定,因為呢part舞係搵dancer跳,咁但係我又覺得搵dancer好似無咗個意義,而我又覺得應該要搵一個好有意思嘅人同我一齊做,諗諗下我就覺得簫潤邦(Oscar)係最適合,所以就搵佢一齊跳。」提到今次演唱會放閃,Elanne馬上搶著答:「唔好咁啦,都只係閃咗2分鐘。」(跳舞嘅時候Oscar錫你令到全場尖叫)「我都無諗過佢會突然錫我,佢自己加落去。」Elanne邊甜笑邊說。

周慧敏不忘叫江若琳早點結婚。(攝:張浩維)

提到請得周慧敏當嘉賓,Elanne再表感謝之情:「好多謝佢今次咁義不容辭嚟支持我。其實佢一值都好錫我,好幫我。我覺得我同佢真係好有緣分,我由細到大都好鍾意佢,到我哋認識,我真係無諗過到佢真係好用佢個心去了解我。佢係我唔開心嘅時候成為我嘅燈塔。」

+20
+19
+18


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。