MC Jin 新歌rap齊英粵普　幾時會出新碟慰fans？

MC Jin自從以「Hip Hop Man」身份現身《中國有嘻哈》後，在內地人氣再次飆升，而且曝光率大增豬籠入水。繼早前接拍手機應用程式以及食品廣告後，昨日推出新歌《零》作為電影《英倫對決》推廣曲。

MC Jin於新歌《零》當中再次出「絕招」，兩文三語溝埋嚟rap，音樂底都是他比較拿手的Old School Beat配合他一向正氣的形象。兩文三語難不到MC Jin，歌詞在寫他在《中國有嘻哈》由零開始的心態，相信不少樂迷聽到MC Jin rap廣東話都覺得份外有親切感。

以下為廣東話部份歌詞，「做人低調先可靠」、「個人嘅突破先會令你成熟」、「冇所謂就算要俾人低估」、「從零開始我都要做到成績」幾句可看到MC Jin的態度，令人想到早前他化身Hip Hop Man從海選打到去節目中段的經歷，這種精神的確夠Hip Hop值得Respect。

最新嘅體驗就係做人低調先可靠／

不時習慣將自己同其他人哋比較／

呢種行為每日每秒都嘗試克服／

因有只有個人嘅突破先會令你成熟／

我就係唯一一位感受到我嘅辛苦／

所以冇所謂就算要俾人低估／

目標只有一個發揮我所有能力／

就算要從零開始我都要做到成績

MC Jin近期工作量大增，但推出的歌曲都是廣告歌為主，未知何時會有他的自家作品或推出新專輯，相信不少樂迷都引頸以待；尤其現時Hip Hop文化抬頭，越來越多本地Hip Hop團體備受關注，若果MC Jin推出新專輯相信令香港Hip Hop界再次引起騷動。