陳奕迅神曲又要出動 「天氣不似預期 但要走 總要飛」
撰文：黃浩晉
出版：更新：
正所謂「天氣不似預期」，颱風卡努襲港令市民大失預算，無論打工仔還是準備去旅遊的旅客都非常狼狽，今早青馬大橋、昂船洲大橋、汀九橋、青嶼幹線等等都有封路措施，令前往機場的旅客更要拖住行李篋冒着風雨徒步趕至機場登機。有旅客指原定到機場的車程需約45分鐘，今天因颱風關係卻變成要用上兩個半小時才到機場，大失預算。
市民直接拖着行李篋在風雨中步行(網民James_Wong攝)
陳奕迅《歲月如歌》又要出動喇！
此情此景不禁令人想起陳奕迅的「神曲」——《歲月如歌》，皆因此曲是TVB《衝上雲霄》的主題曲，頓時令人想起航空業。再者，當中歌詞非常「到位」：
天氣不似預期 但要走 總要飛
道別不可再等你 不管有沒有機
如果坐飛機見到Sam哥就好喇！(布偉傑facebook圖片)
定係你想見cool魔多啲呢？(視覺中國圖片)
因為「天氣不似預期」，交通大擠塞令大家趕唔切去機場，要遲下一班機，不過「但要走 總要飛」，冇理由因為個颱風而放棄去旅行㗎嘛，係咪先？
「道別不可再等你 不管有沒有機」，假還是要放的，相信唔少人等咗好耐，Mark晒假都係等呢一日去旅行鬆一鬆，暫時「道別」工作壓力。
其實聽《歲月如歌》都只是苦中作樂一下，最重要當然是人身安全，各位可以的話盡量留在室內安全地方；要出門的就希望大家旅途愉快，一切順利。