【音樂精讀班】唱歌唔好顧住飆高音 吳浩康話數拍子基本功好重要

撰文:彭嘉彬
出版:更新:

曾經,吳浩康的歌曲是一眾男生在K房及歌唱比賽中的追求,他每首歌曲中的真假音轉換沒有相當技巧是掌控不了。所以當時他的歌曲大概為男生的歌唱功力劃分了三個等級:唱不到、唱得到、唱得好。
的確唱歌不單是講求天份,有天份可能令你唱得到,但絕對需要一定技巧才能進一步唱得好。
攝影:黃國立

個個都飆高音,唔通個個都咁鐘意飆高音咩。嚟到「音樂精讀班」第四堂,吳浩康就話除咗唱功之外,數拍子嘅基本功都好緊要!大家經常喺K房唱唱吓歌,發現唔知點解個音樂硬係快過你把聲,簡單講即係甩Beat,原來就係基於對拍子嘅唔理解。所以阿Deep用咗兩首自己嘅代表作嚟說明「拍子的重要性」,今日就同大家講住其中一首《孩子王》先!

第三堂複習:【音樂精讀班】唱歌點先有Feel啲? 吳浩康:唔好唱得咁大力!

第二堂複習:【音樂精讀班】吳浩康教你唱高難度假音:助跑好緊要!

第一堂複習:【音樂精讀班】吳浩康教你唱歌點先好聽:唔好做「好假的肥仔」!

音樂人陳思捷為吳浩康伴奏《孩子王》時,亦跟阿Deep在拍子問題上討論了一番。
阿Deep提醒,要唱好一首歌曲,先理解好當中拍子會較容易入手。

拍子分為兩大類

以前中學上音樂堂大家都未必會好留意拍子呢回事,就算去到演唱會都可能係跟住感覺,又或者跟住隔離嗰個隨意拍。阿Deep表示唔少人可能以為自己好熟悉一首歌,但實際上又未必理解清楚,甚至好少會數拍子:「其實拍子分兩大類,一種係三拍,一種係四拍。」四拍即是平均數「一二三四」時,一跟三拍是重拍,而三拍子則不同:「最容易令大家理解的,應該便是『蹦嚓嚓』,只有第一拍是重拍。」

唔講唔知,原來《孩子王》中間有著一段變速。

小心留意歌曲變速

有些歌曲的拍子不會由頭到尾也是一樣,阿Deep以《孩子王》作例子:「其實不少人會把這首歌當成四拍去唱,所以他唱著唱著會數不清。這首歌在A段到副歌之間,其實有著一段變速,所以大家唱『你只數我 我不聽我』及『小孩子相信直覺 才值得我去學』時要留意,整個律動並不一樣,心裡一定要數著『蹦嚓嚓』,這樣才唱出當中的細節。」

聽埋《孩子王》親身示範,記得聽日仲有最後一堂呀!

[吳浩康Listen to Deep Live 2017]
快達票網頁www.hkticketing.com

或致電 (852) 31288 288查詢

你可能感興趣