TVB封殺令連勁歌總選都冇份？ 欣宜：冇得去都唔緊要！
撰文：彭嘉彬
出版：更新：
九展Star Hall10周年，昨夜舉行《十年再遇第一次音樂會》，邀得JW王灝兒、陳栢宇、鄭欣宜、Dear Jane、Super Girls、石詠莉、鄭融、李蕙敏、Yellow!等歌手同台演出。正式開場前，一眾歌手透過影片述說自己的音樂歷程。
昨夜欣宜於九展《十年再遇第一次音樂會》演出，透露不少心聲。 (梁碧玲攝)
演唱會中段時，近日成為媒體焦點的鄭欣宜帶來去年的大熱之作《女神》及《你是什麼時候開始不愛我的》。今次亦是欣宜弄傷腳後初次公開演出，打着石膏行走時仍需扶着拐杖，故此她在唱歌時也一直坐在一張「皇帝椅」上。雖然最近似乎有點諸事不順，不過她仍保持樂觀：「我上年都喺Star Hall舉行咗第一個個人售票演唱會。而咁啱開場嗰晚撞正八號風球，搞到要改期。好多歌迷搭飛機嚟睇，最後滯留機場，又有好多歌迷預咗星期六睇騷，但改咗去星期一又嚟唔到，當時我好擔心，不過我學會一樣事情，The show must go on!」
昨夜是欣宜跌斷腳後，初次公開演出。全程打住石膏都繼續唱，相當敬業。 (梁碧玲攝)
+2
「The show must go on」這句話似乎語帶雙關，明年４月欣宜開紅館個唱，不過最近TVB封殺令弄得滿城風雨，更有指被視為「親生女」的欣宜，分分鐘連年尾的《勁歌》總選也冇份去，不過怎樣也好，音樂路還是要繼續走。欣宜接受訪問時亦作出正面回應：「而家都係等公司（HMV） 安排，我都理唔到咁多嘢，總之有得去我一定去，冇得去都唔緊要。始終今年我都將重點放咗去拍劇，就算冇出現呢啲事情，我都未必有份喺樂壇頒獎禮上攞獎啦。所以由啲大人去處理，我就聽聽話話，需要時候一定到！」
欣宜對年尾勁歌總選抱持中立心態：「有得去一定去，無得去都唔緊要！」 (梁碧玲攝)