【大專歌唱比賽】港大首站賽事開鑼 現場直播唔好錯過！
撰文：彭嘉彬
出版：更新：
每年《大專歌唱比賽》都可以話係學界盛事，讀大學除咗上莊、走堂、返Part Time之外，其實參與Sing Con當中都係一種青春。咩話？你無睇過大專Sing Con？我真係有少少戥你可惜，不過唔緊要，《2018大專歌唱比賽》將會由《香港01》為你獨家直播，就算去唔到現場親身支持，都一樣可以喺直播當中為大專歌手集氣！至於今晚，《2018大專歌唱比賽》首站將會喺香港大學舉行，當中嘅參賽者，分分鐘你都曾經聽過佢唱歌！
《HKU Singing Contest 2018》將會喺今晚舉行！ (網絡圖片)
講起《大專歌唱比賽》，其實唔少現時嘅歌手讀書時期都有參加過。例如謝安琪、J.Arie正正就係港大歌唱比賽出身，咁講你大概都知道參賽者嘅水平唔簡單啦！而今晚即將舉行嘅《香港大學歌唱比賽2018》都唔簡單，一共16組參賽單位，除咗唱歌叻，有啲連樂器都相當耍家，甚至擁有自己嘅Youtube Channel。就好似其中一位參賽者Benjamin咁，youtube channel入面cover同原創歌曲都有，連MV都係自家制，認真有心機。最重要係當中嘅歌近貼歐美市場，一啲都唔老套，完全係專業級制作水準。
另一方面，有「港大霆鋒」之稱嘅Bruce Leung更會自備舞蹈員跳唱《活著Viva》，呢首歌彈唱大家就見得多，以跳唱作主打就真係第一次見，睇嚟單線Solo嗰一段一定會好精采。
呢位「港大霆鋒」唔止唱得，原來仲係Dance Soc嘅成員！ ( 網絡圖片)
晚上7點《香港01》獨家現場直播：